曾智華
有記者大發現，發現乜？原來近期問題叢生的樓盤大業主及家族，從不買或住自己興建的樓盤，反而非常積極買及入住行家樓盤。
講出\u569f可能好怪雞，其實正常到震。
N年前，著名地產集團CEO與小弟飲多兩杯時，坦白講：「碌Sir，我點會買或住自己集團的樓呀，未煩過咩？首先，講旗下樓盤質素，邊個清楚得過我？由規劃、設計到用乜材料，全部瞭如指掌。賣樓時，我當然有咁正講到咁正啦，但實情係點，完全心照！另外，更百分百絕不會住旗下物業，包括多層大廈或獨立屋，幾大唔制！」
各位，點解？其實是常識。任何住客見到地產集團CEO是鄰居，起初當然滿心歡喜，因為——喂，佢都買/住，肯定是信心保證，今次掂晒。
不過，邊有包生仔？CEO集團的樓，著名入伙已貼滿黃色紙仔，即N咁多頭暈身\u3deb，一般住客滿肚火時，會點？分分鐘午夜拍CEO門「問候」\u35ce，你估會同你客氣？如此，你幾高AQ都會畀躁火住客搞到人都癲。
呢，住行家樓又唔同，變\u5497自己也是客，咁就安全得多啦。
另外，最近與地產界好友晚飯，佢又話：「碌Sir，點醒你\u5572讀者呀！近兩年落成的新樓，鬥平出售，發展商蝕到嗌阿媽。當然會建築材料及判頭人工鍊到乾乾淨淨。大判唔掂，當然卸落二三四判身上，人人\u3deb過火屎，搵乜出氣？所以，新樓牆內見廁紙拖鞋汽水罐\u22ef…有緣有故\u35ce。總之，一聽到樓盤曾發生工潮或地產商拖數的，你就要小心，樓宇質素必受影響，因而市價貶值。仲有，可能一入伙就N咁多設備問題，甚至漏水，好大鑊\u35ce。記住，買樓市旺時落成的二手樓，最有保證！」
