黃秉華
六十年前的旺角彌敦道「專收叻仔」，當年有兩名名校生，仰慕美國阿波羅號升空探險壯舉，竟然誤信那\u88cf的餐廳有「太空餐」供應的噱頭，「仆倒」去試食，結果真搞笑，侍應面不紅氣不喘，端出臘味煲仔飯奉客。
當年的名校生是我叔輩親戚，同讀港島某名校，曾經立志當太空人，不過，判斷力認真麻麻\u54cb，「太空餐應該好似牙膏一樣的濃縮食物」，這是常識，食臘味？不如你去旺角打邊爐吧，笑話笑足幾十年，今天再不是笑話了，事關科技進步。
網上熱議中國太空人在空間站燒雞翼，睇到歐美人士目瞪口呆，話說太空BBQ簡單又方便——太空人從包裝袋取出預先醃製的雞翼，放入空間站的特製烤箱，二十八分鐘後，燒到「金黃酥脆，滋滋冒油」，真係星爺都要唱返支「燒雞翼，我鍾意食」。
這台特製烤箱經過高科技改良，隨神舟二十一號飛船上太空，有「太空版空氣炸鍋」之稱，在太空重力環境下，燒雞翼產生的油脂會四處飄浮，稍有不慎便可能污染太空站的精密設備，甚至引發火災，大家不要以為「中國製造」係你想像中咁簡單。
美國太空總署NASA的太空食譜，還以預製食品、冷凍肉塊、脫水蔬菜為主，比起六十年前進步，不過比起中國太空人BBQ似乎有點寒酸。忽然想起香港叻仔——有Marketing頭腦，轉數又高，\u55f1\u55f1臨去中山、順德訂製「太空版空氣炸鍋」返\u569f賣啦，趁中國太空熱潮受關注，保證叫好叫座又熱賣。
