曾智華
上周日興奮死，先是凌晨睇美國育馬者盃，世界殿堂騎師雲集較量。
一睇陣容，我的偶像、全球最勁騎師二哥巴米高出戰兩場（一哥是麥道朗，冇參加）。簡單，買晒W即掂。巴米高今年34歲，無論體能、膽識、騎功與智慧，皆步向事業的最高峰，加上有火\u712b的陣上鬥心，場場心無旁騖，就是要贏（並非個個騎師如此\u35ce，大家心照），尤以跑國際一級賽，更是\u7793身。
2024年香港國際騎師錦標賽，巴米高就以兩冠一亞摘下冠軍寶座。故此，今年2025年大賽，各位一於博佢可也，切勿走雞。
講返上周日，美國育馬者盃跑五場，巴米高出兩場，皆騎法國代表馬匹，一為「輕易事」，一為「姬爽朗」。
我點買？沿用一貫策略，唔研究，每隻10蚊雞W。結果，哈哈，20蚊投注，輸一隻，另一隻勝出，W派91.6元，有過70蚊利潤，夠食豪華兩\u9938飯啦。大家記住呢個法國仔呀。
到\u5497下午，跑快活谷，更興奮到爆晒玻璃，我絕非贏到乜大錢（只夠食條野生海魚咁啦），而是本欄提供三隻貼士，兩隻P，一隻W，勝出的「我做到」，嘩嘩，唔係\u5569，我有冇睇錯？竟然派514元！搞到前日小弟個豬頭嘜出現馬經版的「威水框框」，今次撈過界，各位評馬大哥敬請原諒。
畀貼士\u5605\u5622，永遠一啖砂糖一啖Z，上次咁中法，今晚再冇咁符碌咾\u5569？
繼續研究伍鵬志。第五場「赤壁」前次快活谷千二米試馬，衝入第四，走光，上仗立即側側膊走去食泥沙一次，亂跑。今晚回馬槍，換今季飛躍進步的霍宏聲，W、P捧。
另外頭場大長途2200米，七隻參賽馬，伍廄出兩隻，有機會「步風雷」及「同寶寶」一Q返\u569f。
