(曾智華)
早上的茶記，永遠有一群開工前大大聲議論時事的粗口司機；八點後，有一班買\u9938前擘大喉嚨講八卦\u5622的師奶。
兩者關注的社會現象不同，但卻有一樣相同，就是經常呻——如果乜乜物物，我就物物乜乜啦。係乜，當然關乎金錢的一切。
前朝幾位司機大叔中，有兩個狂抌心抌肺。
肥佬司機：「哎，真要頂自己頭槌，6月時已經心思思想投個牌，大佬，700幾萬跌到190幾萬，計計車租及供款，條數好易\u519a，賺硬啦，老婆都支持，但又衰十五十六。如果當時下定決心，如今單賺牌費都二十幾皮\u5622啦！」
高佬司機：「超！呢個世界邊有『如果』\u35ce，如果我畀個皇帝你做，就唔使\u63f8的士啦！就算而家個牌二百二十萬元，都撳地游水啦，如果佢唔再跌，我都諗買一個。」
結果高佬畀矮佬笑到面黃：「你條友呢頭話人成日『如果』，你咪又係。」
八點後，師奶殺到，又係講「如果」。
銀髮師奶：「真係\u651e命，2023年200幾蚊入\u5497騰訊，初頭驚驚\u54cb佢會再跌，點知係咁升，終於300蚊時忍唔住手止賺，哎\u5414，如今喊到收唔到聲。如果我知佢會升到600幾蚊，就雷劈都唔放啦，而家冇\u5497300幾萬啊，嗚嗚。」
紅髮師奶（唔知點解不少阿嬸喜歡染紅髮）：「你慘？我咪仲慘！2018年1200美元一安士時，買\u5497幾十安士金，因剛剛賣樓套現大筆錢。之後係咁升，2019年升到1800美元時，諗冇得升咾\u5569，於是全沽，將錢再買啟德新樓，2萬幾蚊呎，估計冇死。點知\u22ef…喊到收唔到聲，金價賺埋唔夠樓價蝕，死唔死。如果\u22ef\u22ef」
哈，又係如果。呢個口頭禪，真要戒，傷身又傷心，呢個世界邊有如果\u35ce。
