姜濤將於12月18至21日假亞博Arena舉行其個人第二次大型演唱會《KEUNG TO “LAVA” LIVE 2025》。演唱會以「LAVA」熔岩為概念，寓意重新和蛻變。日前，姜濤接受《星島頭條》訪問，除預告演唱會內容及嘉賓，又重提2023年發生的「叱咤事件」是他黑暗的時刻，並自爆有研究佛經，學懂以不同思維看待世界，而自己非想像中軟弱。
姜濤性格結合水和火
姜濤今次演唱會選擇以「LAVA」作為主題，透過歌曲讓觀眾感受「水火共融」，他指自己的性格就好像水和火的結合，「會有好剛強嘅一面，亦都會有好Soft嘅一面，所以今次想帶出一個訊息，唔好去避忌自己某一啲嘢，反而呢啲嘢會組成咗一個完整嘅你，所以兩者都要有。」他更直言：「以前發生過好多事情都好惹火，而家學識平衡。但有啲嘢係應該有衝動嘅一面，例如今次演唱會有好多嘢都係好衝動地想去做，冇理過budget，例如dancer同埋band嘅人數，最後公司同監製話定一定，唔好咁大諗頭住。」
姜濤個唱動靜比例平均
姜濤透露今次演唱會的舞蹈會比較剛強，觀眾會明顯感受到「火」的猛烈，而「水」的部份就會有比較柔美的舞蹈，動靜比例平均；音樂方面，會結合中樂與西樂等不同風格的對立元素，更已經邀請了很厲害的中、西樂隊；他更預告屆時會玩火又玩水，但就提早「落閘」直言不會濕身，並笑言跳舞已經全身爆汗。第二次再開個人演唱會，姜濤沿用前年的合作班底，再次找來監製莊少榮(細榮) ，以及編舞大師梅棹燕(小梅老師)協助其中一部份的演出，他更事先聲明，由於不想影響演唱會的故事發展，故不會特別安插與粉絲互動的環節，但他承諾有某些歌曲，在最尾部份一定會送給大家。
姜濤個唱重量級嘉賓
提到演唱會嘉賓，姜濤就大賣關子表示：「唔講得喎，保持神秘，有啲前輩級 ，亦有後輩，個個都鍾意，但其中一場的男嘉賓係特別喜歡，講出嚟會『嘩』一聲，係我提出跟住公司同我雙方一齊搵佢。」至於會否有隊友做嘉賓就仍然在商量當中，他笑言自己已經出道七年，除了MIRROR和主持人強尼，單講自己公司全部都是他的後輩。
姜濤積極操肌備戰
姜濤最近積極操肌備戰，除了跑步，亦有跟教練操肌，他自爆現在打籃球會很嘈：「因為會係咁唱歌，當練氣。」他又提到膝頭的舊患，現時間中亦有接受物理治療當保健，並笑言不會透露減磅的目標數字，「我都有一個數字，但係唔講得。而家食嘢都好均衡，唔會好似以前咁極端。」被問到演唱會否騷肌，他表示：「未咁勁可以騷到肌肉住」。姜濤直言希望每年也可以開演唱會，因為覺得演唱會係可以完全present到自己的想法，一個好純粹的地方。
姜濤非想像般軟弱
姜濤長期面對巨大壓力，他提到姜媽不時想以行動做一些事來支持他：「雖然我知道佢哋為我好，但我唔希望佢哋為我操心太多，我有同佢哋講話，我冇你哋而家想像中咁軟弱，我自己可以take care好自己，但係你哋嘅任務係，你哋照顧好自己就得啦，唔使特別去理我。」
姜濤調整心態
姜濤在今次的訪問狀態極佳， 對很多事情睇法都調整了心態，明顯看開了，而向來有研究佛經的他，被問到有否沉迷學佛，他表示：「冇話沉迷，只係了解當中，自己不嬲都對呢啲嘢有啲興趣，得閒就會睇吓YouTube ，叫做多咗唔同嘅思維，去看待呢個世界。」他續指自己年僅26歲，但MIRROR每一位成員在這七年之間處於一個好壓縮的成長時間，大家也成長了不少。
姜濤重提2023年叱咤事件
今年是MIRROR成軍七周年，問到這些年令他最深刻的一件事，姜濤重提2023年叱咤頒獎禮因身形暴脹及跪地演出惹負評事件，「我可以好坦白同大家講，嗰段時間的確係比較dark，後尾我睇完先覺得原來好小事，比起我之後經歷嘅，我都覺得好小事。人生係冇你覺得當下過唔到嘅嘢。」他直言現在夠膽說出來，對於此事已經不再耿耿於懷，並謂：「而家都去到《造星6》，同啲小朋友講吓，千祈唔好驚。」
Credit :
Mayling Suen @Annie G. Chan Makeup Centre
Lydia Yung @CHIC PRIVATE i salon
Stylist: PIPA Creative
Wardrobe : Burberry
Venue:天瀧會所
《Katch 音樂娛樂平台呈獻 :KEUNG TO “LAVA” LIVE 2025》
日期：2025 年 12 月 18 日至 21 日
時間：8:15pm
場地：亞洲國際博覽館 Arena
票價：$1,180 / $980 / $680
主辦及經理人公司：MakerVille
冠名贊助：Katch 音樂娛樂平台
演唱會搶飛神卡：恒生Visa信用卡
聯合贊助：HKT
優先訂票：The Club | MIRROR Official Fan Club
同濤升溫：叱咤903
同濤共響：MOOV
購票平台：Klook | 大麥
發售日期：2025 年 11 月 10日 中午12時正
網上購票：https://s.klook.com/keungto2025
*不設售票處售票
