(黃秉華)
上世紀90年代當電腦記者，認識一位中文軟件專家求伯君，佢今次真係「拋頭露面」，故事從今時今日話題中的話題——中國稀土講起。
何謂得勢不饒人？大家可以開開眼界了。國家商務部最近發布文件提到，「申請稀土出口檔需以中文為準，附件則必須使用中國國產軟體WPS格式申請。」此舉意味著各國「想買稀土，先學好中文」，北京旨在提升全球話語權。借勢推廣國產軟件，唔使客氣。
1989年，求伯君出來創業，寫出WPS 1.0代碼，這是公認標誌著中國辦公軟件的時代來臨，當時一位武漢大學學生視求伯君為偶像，畢業後加入金山，接力開發WPS，一路晉陞為CEO再到董事長，並成功把金山上市，他就是今天中國科技大老，小米老闆雷軍。
我曾到過內地參加活動，到訪金山軟件，未遇見求伯君、雷軍，當時內地是微軟天下，我心\u88cf想，「你想同Bill Gate拗手瓜？唔係\u5413哇！」點知今日WPS咁威水，想都未想過。
話說中國稀土點止威水又架勢，商務部寫明「只要產品含有超過0.1%大陸稀土，或在生產過程中使用大陸稀土技術，都必須申請出口許可；同時，任何軍用材料皆禁止出口」。換言之，不需要用到稀土的國家地區，可以不理，繼續不用學習中文。
好消息，美國總統特朗普話，正與礦產資源大國澳洲合作開發稀土，唔使一年時間，稀土變爛泥，多到用不完，兼且要大減價。估計最開心就係比爾蓋茨，堪稱老懷安慰。
