胡孟青
剛大學畢業回港打工的那些年，時不時都大破慳囊置裝，月薪不足兩萬元，卻走進名店SWANK買了一套八千蚊的套裝，花近一半薪水買一套衫，諗返轉頭都覺得自己太瘋狂。
日子有功，漸漸領悟到衫唔需要買太貴，反正係人著衫，不是衫著人。近年更鍾情把買衫錢花在珠寶首飾，至少不會如衣服般折舊，有眼光，懂得揀，更具升值能力。
論眼光，真正的專家未必在民間，從家族擁有經營珠寶店六十多年的中學同學偷師，亦長了不少知識。有時更會欣賞坊間名媛們的穿戴，訓練鑑賞力。
話說去年有一段報道指岳少女兒林恬兒赴宴，戴上一串珍珠頸鏈，被網民轉載至小紅書，且被質疑如此大粒每顆直徑近一吋的巨型珍珠頸鏈是塑膠假貨。
網民更大放厥詞，指「咁大\u5605珍珠當然唔係淡水珠亦都唔係海水珠，係膠珠！」母親謝玲玲心痛女兒被屈，罕有為女兒澄清珠鏈乃婆婆所贈，是代代相傳的家傳之寶。雖網民孤陋寡聞有眼不識無價寶，教精佢變相袋錢落佢\u54cb袋！
同學仔幼承庭訓，早已是珠寶界專家，指出因早年南洋珠仍未被大量開採，有咁大粒真係唔稀奇！網民都錯唔晒，該串珍珠頸鏈唔係淡水珠，亦唔係海水珠，係貨真價實的南洋珠。
小妹去年底參觀周大福珠寶店時，一眼看中一串在玻璃櫃展示的鎮店之寶、標價148萬元的南洋珍珠頸鏈，珍珠粒粒圓潤皮光靚，忍不住戴上拍了張照片，給自己做Profile Picture。
