曾智華
未講今個標題，先講上周日賽果，小弟聲明騎師艾兆禮開飯，提供佢三隻坐騎，話WP過關，結果，騎騎，兩W一P，全家食爆膏奄仔蟹慶祝！
講返今日主題，本欄馬迷讀者，第一眼睇見標題，肯定以為自己眼花。
唔使懷疑\u561e，今日我明刀明槍支持潘頓！
評論必須基於事實，不應因人而異。馬會日前公布「限鞭令」，規定騎師在賽事最後一百米前，不得對馬匹連環用鞭。
其實當馬匹實力相若時，最後二百米非常具決定性，此時，騎師必須施展渾身解數力爭勝出。過往潘頓末段鍊贏，正是最後二百米開始使出「車輪鞭」。很多時打多一鞭或打少一鞭，正是勝負分野，若果只「齋推」，毫不刺激，也唔好睇。家有家規，國有國法，香港沿用多年的規例，若冇問題，改\u569f為乜？「法國大餐」！
早前潘頓上網台接受訪問，相當有料到，馬迷切勿錯過，快翻看。
潘頓詳細指出快活谷ABC跑道的分別，論點極具參考價值。講對香港跑道認識，尤其快活谷，相信全世界之中，老潘必定是No.1，論能力接近，亦只得「雷神」莫雷拉及韋達。
潘頓完全掌握每條跑道特性，快活谷以C跑道最大偏差，外檔馬遇上內欄快放馬，極難追，而最公平的是B跑道。
難怪往往見潘頓騎外檔馬，也能在B跑道勝出，因只要佢慢慢攝入內欄就掂，一轉直路即可以與對手決一高下。A跑道又如何？剛剛是B與C的中間，當然仍是內欄馬佔優。
今晚B跑道，大家可套用潘頓理論度馬。
我喜歡「太陽勇士」，呢隻希斯馬上季六十四分起步，不停在快活谷1650米又W又Q又P，非常準繩，終升至九十分，才跑不合腳法途程\u551e\u551e。今次再跑1650米，去硬了。
