公屋租戶遷出單位時，必須拆除裝修改動，還原到入住時的狀態，有港男曬為公屋還原的花費竟高達5位數字，掀起熱議，不少網民對開支感到震驚，形容事主「一定係豪裝」，「只能說豪裝的代價」，「將公屋改到私樓咁」。
租戶還原公屋單位，可自行找承辦商，或由房屋署代為還原並向租戶收取費用。事主透露今次是由房署代還原，並詳細披露14項改動還原的收費詳情如下：
港男豪裝公屋天價還原？14處改動還原開支高達「呢個數」 網民震驚：將公屋改到私樓咁↓↓↓↓
有網民在「公屋討論區-香港facebook群組」FB專頁發帖發相，公開交還公屋單位須要還原的詳細費用，由房署檢查後報價共有14處須要還原，總收費約$39,563萬餘元，事主似乎認為費用高昂，向網民求教：「還原埋單(近)4萬，其實出去揾師傅搞都要咁上下錢？可能最後唔啱房署標準白洗一筆。」
事主公開房署檢查單位的紀錄及報價顯示，須要還原的項目多達14項，當中大部分位於廁所，佔總開支約$22,593元，涉及還原洗面盆、座廁、地台、排氣管等等。其次為廚房，開支亦須$12,544元，涉及改動牆身及地台瓦等等。至於廳房亦須拆除間隔牆及吊櫃等，開支須約$2,450元。
網民：你成個廚房反轉喎！
不少網民紛紛留言，熱議事主大量改動原有單位致須付近4萬元還原，情況少見：「9成9全爆大改啦……」「你成個廚房反轉喎！」「一定係豪裝，本人剛搬，清場費都係三千幾。」「好貴，我剩係使咗$500門，因為乜都冇改過。」「很肉赤心痛。」
部分網民認為事主要付高額還原費用，估計是豪裝的結果：「裝修過陣你無諗過架？另外住咁耐乜都夠哂皮啦。」「樓主將間公屋改到好似私樓咁，抵啦！」「有錢去改，又就志在呢4萬？」
有網民認為住公屋不應豪裝，若要全爆大改便要預算日後付高昂還原費：「如果住幾十年，搞下佢唔係問題，但要預咗交屋時要比番還原費，唔係而家咁又要呻。」「公屋單位，當然不可胡亂更改，搬出就要還原單。」「真係好多人好無知。」
有網民建議樓主交由房署做還原，收費合理，亦保證穩妥：「其實房署個價係包搞掂，真係好抵，出面無可能咁平。」「點都係搵房署搞穩陣啲，出面就算平過房署，到時做出嚟唔啱房署標準，你就大鑊了。」
同場加映：反常？一家住公屋48年港男交還政府 原因揭盅網民激讚叻仔 事主：做返個有公德心嘅市民↓↓↓↓
