(黃秉華)
睇新聞睇到著迷，當睇奇情小說去追，是為人生新的一章，全因為有了特朗普再當美國總統。我每日睡醒第一件事必先打開手機瞄瞄， ，又有新 啦。
說新不新，特朗普早在就職演說要向全球加稅，旨在維護美國權益，兼且讓美國公民致富，但是大半年過後，日日都有「你如果XX，我就會XX」的加減關稅新聞，你唔會覺得厭，反而當成一種生活情趣，究竟點解？（是否需要睇心理醫生？）
原來大家不必擔心，睇戲何須睇醫生？復旦大學教授沈逸在網上視頻節目一語道破，特朗普就是演活了美國經典笑片《白頭神探》系列的那位主角，一言驚醒夢中人，我馬上想起年輕時睇過的《白頭神探勇救事頭婆》，這位主角始終如一「癲癲得得」，搞到周圍亂成一團，本來德高望重的「事頭婆」，被白頭神探玩到裙拉褲跌，好好笑！
沈教授不是講戲經，而是解構美國當前的「總統現象」，特朗普就是飾演一個剛毅又猥瑣的角色，美國人崇拜的英雄形象，最緊要敢幹，即使無乜本事，原來上天會照顧他，教他逢凶化吉，誤打誤撞最後把「壞人」繩之於法，締造世界和平、社會平安。
大家可知道，周星馳電影有不少「白頭神探」的橋，不過特朗普未敢稱「喜劇之王」 。聞說特朗普又話稀土講唔掂數，要加中國100%關稅，但又話年底計劃訪京。不知道特朗普過 做乜，有乜好傾呢？打算參加「春晚」演出，跟星爺同台賀新歲乎？
