飲食大趨勢，一如政治大趨勢，絕不以個人意志為轉移！
例如中央製作食品，早已成為事實，根本返唔到轉頭，主因是租貴、人工貴，若\u5413\u5413要求所有菜式現場做，綜合支出實在難以應付。
如今做法，改由位處偏遠的中央工場大量採購食材，再以高度機器化操作，支出立時大大降低。
科技飛躍，令物流業在保冷保溫及運輸速度方面越趨先進，所以，未來中下級食肆，必定大量採用預製食物。
老行尊H叔話：「碌Sir，其實不少菜式由中央製造，絕無問題，因根本毋須鑊氣，例如：梅菜扣肉、咖喱牛腩、頭抽雞翼\u22ef\u22ef最適合，另外，最新走勢燒臘也如此！」
H叔指如今的燒乳豬，已可做到由出爐運到酒家上\u67b1，只兩小時內，以保證皮仍卜卜脆而肉仍溫暖。看走勢，除非必須靠鑊氣的菜式，其他將慢慢一步步中央化，發展不會逆轉。
同\u67b1的罐頭批發專家Y哥又指：「碌Sir，另一潮流，為罐頭業日落西山喇。」
本來近日不停打風、黃紅黑雨，家家戶戶理應似以前咁，買定十打八打罐頭放家中，以備不時之需。
點知實情並非如此。Y哥話：「如今罐頭只得一種仍可生存，正是午餐肉，因茶餐廳早餐市場需求仍大。其他？以前大受歡迎的豆豉鯪魚、沙甸魚、榨菜肉絲以至五香肉丁，全部銷量在收縮中！」
究其原因，H叔指出：「鬼咩，如今八號風球以至紅黑雨，連鎖快餐店大都照開，咁仲邊會有人躲埋屋企食罐頭\u35ce！」Y哥又接口：「其實通街兩\u9938飯都打沉罐頭業啦。有新鮮\u5622食，仲點會揀罐頭呢？你估變態咩。」
呢呢，H叔及Y哥三幾句，已點出香港飲食大趨勢，無論你想唔想，都會咁發展\u35ce喇。
