(曾智華)
真真難以想像，仿似突然世界變晒，奇特！點解不少歷史大國領袖，一見到特朗普，就似撞邪，冇晒應有的自信及分寸，咁搞法，點向國民交代？
我講乜？正是歐洲一眾大國領袖，包括總統與首相，仲有歐盟主席馮德萊恩，上周到白宮，點解全部變\u510d\u5413\u510d\u5413，竟會願意成排小學生咁款，恭恭敬敬坐著，面對攤在大班椅的狂特？
究竟呢班友知唔知乜叫外交禮節及自尊？相片出來，就似一個高高在上無限權威大波士，訓示驚到瀨尿下屬，點可以咁羞家\u35ce？
暫時至今，我只睇到兩個人物，一為普京，一為習近平，仍冇見到狂特即變「矮仔」的現象。
昨晚大群傳媒老是佛噴口水，當然又講到全球最佳男主角特朗普。
「碌Sir，你估佢仲有冇機會去北京參加閱兵儀式？」有人問。
其實兩個月前，當人人都吹話北京閱兵，將會出現三大世界巨頭齊齊並肩企在天安門城樓頭，間接向世人宣布——各位，以後全球大事，就由我\u54cb三個說了算！
我一聽，立即雙手打個大交叉話：「一賠十，狂特雖然恨到流口水，但中國必定不會發出呢個重要邀請！」
小弟才疏學淺，但對國際政治及人物思維，經過多年傳媒訓練，仍有少少基本常識的。
老友，你係北京會點諗？
狂特著名——口沒遮攔、喧賓奪主、冇禮冇品、狂妄自大，莊閒不分\u22ef\u22ef
咁\u5605人物，在最重要的中國歷史性典禮中畀佢出現？為乜？博乜？
更甚，佢去年未上場已血海深仇咁狂砌中國，又卡脖子又狂加關稅又封殺呢樣\u55f0樣。如此敵意鮮明，我仲請你做上賓，企我旁邊睇閱兵？\u510d\u5497乎？請你死\u5497條心可也。呢\u5572戇居\u5622，留返歐洲各國班BB首相及總統做啦！
