本港最新失業率升至3.7%之際，有將軍澳大型私人屋苑向居民發出諮詢通告，計劃引入10部「禮賓機器人」，屆時會削減約4成保安崗位，通告指有關措施可每年節省逾百萬元。
有關屋苑通告昨日（19日）在網上瘋傳，有關機械人替代保安員的建議掀起熱議，不少人驚訝：「連保安都收皮了」、「中年失業連保安都冇得做」，詳情如下：
將軍澳大型屋苑擬機械人取代4成保安員 諮詢居民通告瘋傳 稱可年省逾百萬 網民驚訝：連保安都冇得做↓↓↓↓
有網民昨日（19日）在社交平台發帖公開所住將軍澳大型私人屋苑，最近向居民發出的通告，通告諮詢居民擬引入「禮賓機器人」的建議。
通告內容指出，對比現時保安崗位運作，建議新方案為：「7名保安崗位＋10部禮賓機器人」，較現時運作共須「12名保安崗位」，就保安員崗位數目減少約四成一。
41%保安崗位可削 開支節省$103萬元
通告透露新方案的每年總成本開支，會較現時減少約兩成六，即約293萬元（當中包括新增約62萬元的「禮賓機器人保養」費用），比現時約396萬元，大幅節省103萬元。
通告指出：「建議的新方案相信能提升保安服務水平之餘，亦更具成本效益」，有關通告給與業主剔選是否同意該「保安通宵當值崗位分佈優化建議，及引入禮賓機器人優化保安服務」，諮詢期截止時間為9月17日。
失業樓主：AI大趨勢保安都冇得做
樓主為該屋苑業主，現正失業，他在帖文中質疑：「失業率不斷上升，成日聽到有人話中年失業就去做保安，不過……人工智能大趨勢影響下，物業管理甚至保安都冇得做。」
樓主憂慮：「相信，好快好多大型屋苑都會仿效。」他又質疑有關通告間接暗示「如住戶要減管理費，首先就要認同佢哋計劃減少請五個職位，然後換來機械人幫手」。
質疑多方面難替代真人 網民：噱頭大於實際
不少網民熱議屋苑考量用機械人取代保安的方案，有人驚訝地表示「連保安都收皮了」、「無得諗，死硬」。有人亦透露所住屋苑亦開始裁減保安員人手：「我棟樓前排都有個保安畀人炒，見人就捉住伸冤。」「我地大廈咪就係炒晒d保安。」
不過，不少人指有關方案「噱頭大於實際」，質疑機械人能否完全取代保安員：「睇唔到具體咩方案，check樓上滴水，有大耳大耳窿上門搵機械人？」「有罪案點Ｘ算，人有閱人經驗可以睇得到，機械人/智能ai有乜Ｘ經驗？」
「好難代替真人，住宅一日到黑咁多送外賣，超市送貨，順豐淘寶送貨員，呢啲好多時候同個物管或保安員，打個手勢，眼色就知道。」
住過日本機械人接待酒店 網民：gimmick嘢
有人特別指出，單應付麻煩住客，機械人便難以取替：「保安既作用係畀啲麻煩住客罵，住客心諗：我交咁多管理費，你唔派個真人嚟畀我罵。」
有人又質疑加上保養維修費，成本效益未必划算：「咪攪笑，人力成本係低過機械人好多。機械人保養係要錢，保養個間公司又要請人去做保養。」
有人表示，在日本住過機械人接待的酒店，「即係人型CCTV，gimmick嘢，背後一樣要真人standby backup，以免隨時壞機或者有其他需要。如果真係得，日本科技咁勁，一早開到成行成市，根本慳唔到人手同錢。」
不過，有網民則讚成以機械人取代保安員：「當然要大力支持！大部份保安都係瞓覺，可以返屋企慢慢瞓啦。」
網上資料：禮賓機械人可同時處理多重任務
該通告未有介紹屋苑計劃引入的「禮賓機器人」功能，據網上資料顯示，禮賓機械人是體型精巧的客服機械人，專門設計放置在辦公大樓、商場、住宅大樓等出入口，負責把關。
機械人有Wi-Fi連線、自主充電、自動避開障礙物等功能，可全日24小時隨時隨地流暢運作。加上內置電視屏幕鏡頭，以及容器和托盤等添加硬件，機械人可同時處理多重任務。
政府統計處昨日（19日）發表的最新勞動人口統計數字，經季節性調整的失業率，由2025年4月至6月的3.5%，上升至2025年5月至7月的3.7%，其中工程、餐飲及零售業的失業率有較明顯升幅，共14.5萬人無工開。
來源：lawrence_kchau＠Threads
同場加映：慈雲山居屋法團509萬定期被揭「極不尋常」低息 半年定期僅0.275厘 管委會公開追查結果↓↓↓↓
