連詩雅今日（18日）出席時裝活動，她表示讀書時想做時裝設計師，惟欠慧根及創意思維故放棄，指日後有機會開大型演唱會，望能自己設計歌衫，同時想培養女兒Camila對藝術的敏感度。
連詩雅無望當型媽
連詩雅自爆平時是打扮求其，問她化妝前後是否有很大分別？她否認並笑說：「以前好堅決要做型媽，原來現實、理想係差天共地，尤其係呢排帶個女出街，幫個女打扮，自己就日日著同一套衫，（畀人誤會你係工人姐姐？）咁又冇。」她指剛過去的周末帶個女去生日會，又要幫女兒買鞋又要買禮物，雞手鴨腳。提到她要湊女之餘也有空去睇波，她笑言是為了老公陳家樂，自己也喜歡曼聯，而大會為他們安排包廂，十分妥善。首次睇波的女兒也有興奮拍手，而因為女兒不能坐太耐，故看了半場便離開，而老公就留低繼續睇。問到陳家樂是否想女兒學踢波？她指女兒未出世老公已想，自己也想讓女兒去學，等2、3歲就實行，又踢爆女兒著波衫時，老公特別開心，著裙扮公主反而覺得唔靚，故女兒一日做曼聯BB，一日就做Barbie BB，這樣夫妻就沒有爭拗。
連詩雅今日（18日）出席時裝活動，她表示日後有機會開大型演唱會，望能自己設計歌衫。
連詩雅跟老公陳家樂為Camila「穿衣之道」而爭拗，是故女兒一日做曼聯BB，一日就做Barbie BB，皆大歡喜。
連詩雅要湊女，無望做型媽。
連詩雅表示讀書時想做時裝設計師，惟欠慧根及創意思維故放棄。
連詩雅提起女兒Camila，喜形於色。
連詩雅想培養女兒Camila對藝術的敏感度。
連詩雅笑稱女兒著波衫時，老公特別開心，著裙扮公主反而覺得唔靚。
連詩雅去年9月甫女兒曼聯粉絲造型照。
