曾智華
周四全港報章娛樂版，一律以陳奕迅做頭條，報道佢自爆患焦慮症，淚灑紀錄片首映會。
一般人對娛樂版新聞都抱懷疑態度，因唔知幾時真、幾時假，幾時是純為電影、演唱會、新唱片即將推出煲水造勢。
早晨坐在茶記，侍應阿姐得閒，問兩句：「碌Sir，你\u55ba圈中咁耐，呢單\u5622真定假呢？使唔使搞到要喊咁誇張？」
「絕對真！一\u5572都唔誇張！」我肯定地答。
作為嚴重情緒病過來人，小弟絕對知道患者發病時的無望無助，事實，目前全球大城市自殺者，大部分皆因抑鬱症而起。
大家通常看見明星、歌星在電影中或舞台上英明神武，氣定神閒，其實十之八九患有不同程度的各式情緒病，例如驚恐症、焦慮症、抑鬱症\u22ef\u22ef大家若有機會認識台下的表演者，自會明白。
情緒病，多因長時間精神高度緊張，令神經系統超負荷受壓而出現。藝人上台光芒四射，乃因腎上腺素大量分泌而支撐，但這個系統存量有限，一旦過分亂用濫用，就會扯乾、枯竭，令人產生不安感覺，繼而緊張心跳手震，開始不知所措，再下去，就會覺得極度虛弱，徬徨無助。
點搞？唯一是減壓、減工作量，再服適當藥物。最弊不承認有病而死頂，如此，最終必會\u51a7檔。陳奕迅一講起焦慮症就喊，正常，起碼可以釋放壓抑，唔使扮無事屈心中。
小弟試過帶一位幕前英明神武無所不能的藝人，去睇精神科醫生，其時佢已患上極深抑鬱症，有自殺傾向，因覺得全世界冇人明白佢，冇人幫到佢，幸而遇上我這過來人。
大明星分別約見臨床心理學家及醫生，發覺原來有人明白佢，並可以幫忙，就此，當講出自己感受時，即場喊到成地眼淚呀！
