(曾智華)
73歲形象正面到爆的「地上最強爸爸」里安納遜，2009年與妻子娜塔莎離婚後，曾公開揚言此生不再娶。點知最近不知是否要為新片《神探零零甩》搞宣傳定 真，竟然爆出與片中女主角彭美拉安德遜撻著，開展新戀情。
男的一直是「桄榔樹」，一生只結過一次婚（1994年至2009年）。但女的呢？睇睇紀錄，簡直令人「嘩嘩嘩」三聲。因由1995年開始，佢離離合合共六次，當中一次最有趣，丈夫名Rick Solomon，2007結，2008離（阿姐，玩咩，一年貨仔？），但好笑在2014年兩人又再婚，不過又係不足一年玩完。
一切顯示，彭美拉對婚姻根本玩玩 ，喜歡就結，否則就拜拜，這種女性，與「最強爸爸」里安，反差相當大。所以，話佢兩個為新電影造勢博宣傳，唔使陰謀論，直線思維都會咁諗。
我輩老男人（70歲以上）晚上開飯局噴口水，經常都會講及某 著名老男人，互嘆——嘩嘩，係咪真 ？服晒服晒。
當中兩個最令人驚奇，乃著名爛飲爛玩爛滾，作為巨星Rock友，當然早早已有啪 紀錄，但奇過蒙太奇，長年如此糜爛生活，如今不單健在，反之，仍不時擁著年輕女伴高調出遊，簡直將書本上健康教育理論完全顛覆。
第一個是滾石樂隊主音，82歲的米積加，第二個是80歲的洛史釗活。
究竟兩人長年的放蕩生活，怎會完全似乎冇傷及健康的呢？兩人如今仍不時上舞台演出，需要龐大的能量，又從何而來呢？
我輩70出頭一族，真覺不可思議！
兩丁老伯有乜逆齡秘方呢？
