薛家燕鄭重澄清「被騙2億」假新聞 一折義賣戰衣做善慈助基層丨獨家

熱心公益的薛家燕（家燕姐）籌備超過一年的《家燕媽媽慈善同樂日》將於本周日舉行。當日將會出售四百多件新淨二手衫，將全數捐給莒光文化服務基金幫助基層家庭。對於近日內地瘋傳她被「鮮肉」男友Andy騙走2億身家，家燕姐聞言一臉驚訝，然後大笑澄清：「如果真有其事，我仲坐喺度咩！」此刻她如夢初醒，自爆難怪影壇七公主二家姐沈芝華及真男友A君（現任男友A君不是叫Andy）都問到她成頭問號！採訪：方騫平  攝影：林賓尼

家燕話呢件外衣，善長可以着去拜年，榮升奶奶時着都冇問題。

手持兩件$500靚衫款 ，質料唔錯 。

每件都好有特色。

家燕姐戰衣剪裁好靚。

服飾夠晒高貴，只售$800。

無間斷工作的薛家燕姐為了演出，每年必須添置近千套戰衣，置裝費當吃力，至少支出六數字：「每次登台觀眾除咗睇表演外都會睇衫，好似TVB新節目《玩轉粵東粵北懶人包》咁，都要着新衫出鏡，所以唔可以咁慳皮，每套特色靚衫超過一萬，但着得1/2次就存倉又未必太浪費，倒不如用一折抵買價做慈善用途，又可以做善事一舉兩得。」

家燕姐捐出400件新淨二手衫做慈善。

活動策劃人ViVi買下家燕姐的登基及食神服做壓場之寶。

兩件都是非買品。

大批一折套裝好抵買。

啲衫都幾吸引。

義賣詳情豐富

周日活動當日除了即場售賣便服，定價較昂貴（約$500-$800）的服飾，同日會透過網上直播帶貨形式出售。她指活動策劃人VIVI十分幫手協助，聯絡贊助商，善長購買一定價值的二手衫即可獲贈美容、化妝品及體檢禮券。入場購物人士亦能獲贈愛心曲奇。家燕姐特別推介：「當中有《皆大歡喜》及其他戲服，唔少靚靚套裝可着去飲宴場合！」

家燕姐每次演出，訂製戰衣都落足重本。

戰衣唔會慳皮。

日前換上靚裙出席TVB新節目《玩轉粵東粵北懶人包》記者會。

款成效顯著

家燕姐提到，前年舉辦的類似二手衫義賣活動，已為莒光文化服務基金籌得港幣20萬元善款，有效幫助基層社群。她分享深刻經歷：「見到好多受助家庭能渡過難關都好開心，最深刻喺疫情期間，有兩公婆受染疫被困家中，苦無奶粉餵嬰孩，該會即安排義工送上奶粉及消毒家居。」此外，家燕姐亦曾透過該會，捐出3萬元予已故「漸凍人症」藝人吳博君，助他解燃眉之急。

前年的二手衫活動，她為莒光文化服務基金籌得港幣20萬元善款，同台還有善長七仙羽。

前年舉辦二手衫義賣活動大成功。

熱心公益的薛家燕為善最樂。

家燕姐亦曾透過該會，捐出3萬元予已故「漸凍人症」藝人吳博君。

樂於提攜後輩

談及市道，家燕姐表示自己完全不受影響：「我啲Job由年頭排到出年二月都冇停過！」她笑言囡囡也曾關心問『媽咪使唔使休息呀？』，但她認為：「唔緊要啦，出面咁多人等開工，既然咁多人歡迎我梗係做，而且可以帶動到一班藝人演出都係好事。」她更透露其提攜後輩之道：「當娛樂商邀請我演出，我會提出搵多幾個一齊做，就算因此分薄咗酬勞都冇所謂啦，大家一齊開心，所以《皆大歡喜》呢首歌好有意義。」被問到可有藝人曾向她「𢱑撈」？家燕姐玄妙回應：「大家都知道市道唔好嘅，會互相支持，不同組合一齊玩都能發揮專長，大家又開心。」工作方面，除了國內演出，她還將到新疆和澳門拍攝節目、在雲頂開騷及遠赴加拿大拍攝西片，年尾則計劃拍攝馬來西亞賀年歌及登台。家燕姐更透露已找到金主，正籌備開拍一套網上短劇，旨在為藝人創造更多演出機會，期望明年能成事。

家燕姐常提攜後輩一齊演出。

家燕姐的工作多到停不了。

澄清荒謬傳聞

對於近日內地瘋傳她被「鮮肉」男友Andy騙走2億身家的假新聞，家燕姐聽聞後先是一臉驚訝，隨即哈哈大笑回應：「我冇睇到（傳聞），如果真有其事，我仲坐喺度咩！」她此刻如夢初醒，自爆難怪影壇七公主的二家姐沈芝華及現任男友都表現奇怪：「唔怪得二姐沈芝華日前奇怪追問『點呀你冇事吖嘛？你係咪畀人呃咗錢呀？』問到我一頭霧水，我反問『呃乜錢呀？我冇事喎！』佢就回應『咁就得啦』唔知係咪關於呢個傳聞。」而男友A君亦有試探：「佢有日突然問我『你覺得我對你點呀？你唔係有第個男友呀？』我隨口回答，我冇其他(男友)呀，你對我幾好呀。跟住佢淡淡然話說『咁就得喇！』」

家燕姐對被騙2億身家流言一臉驚訝。

她坦言真的被騙的話，唔會坐喺度做訪問。

家燕姐強調自己冇2億身家。

屬理智型的家燕姐唔會被情編。

對假新聞忍唔住笑咗出嚟。

又自爆財產交由大女管理。

自爆精明理財(小題)

薛家燕鄭重澄清傳聞：「我澄清，第一，我冇2億身家！第二，亦冇畀人呃咗2億！」追問男人會否有機會騙到她的錢？家燕姐即大笑強調：「點會咁易畀人呃呀？我係精明理智嘅人㗎！」更自爆理財秘訣：「啲錢係交畀個女珊珊管㗎！」她笑言：「就算有另一半，都唔會將副身家交晒畀對方啦！我唔問佢攞錢咪算好彩囉！」她認為這類網上假新聞及亂傳藝人死訊，都是為了騙取流量，得啖笑，令人難以置信。最後被問到是否會花男友的錢？她自爆：「咁我自己有啲錢，我唔係用男友好多錢啫，不過，有時佢買啲嘢嚟孝敬下我囉，比如佢知我鍾意玉石，會送畀我做生日禮物𠱁我開心，我都有戴過出席活動㗎。」

活動：《家燕媽媽慈善同樂日》

日期：8月3日(本周日)

時間：下午二時(網上直播)

地點：九龍旺角彌敦道579號旺角艾麗大廈

和男友有甜蜜互動。

家燕姐和真男友A君感情穩定，互相信任。

和男友有甜蜜互動。

有甜美笑容的家燕疑似戴住男友送贈的精美玉石鏈咀禮物。

家燕姐《食神》味公主LOOK跟沈芝華合照。

家燕姐由長女珊珊（右一）做財政大臣。