譚輝智與車婉婉今日（1日）以嘉賓身份，帶團到馬來西亞與歌迷玩足5日4夜，而眾人更會乘坐「輝智號專機」出發，馬來西亞旅遊局亦到機場送上紀念品給他們。
「輝智號」名額有限
對於今次「輝智號」由列車升呢到客機，譚輝智表示要多謝旅行社，因知他喜歡去旅行，所以為他安排很多計劃，亦透露今次因有限額關係，所以只有60人左右名額一起去，而去馬來西亞也有人加入，笑言太多人也怕自己負荷不到，問到是否會有心水景點，車婉婉就表示是「食榴槤」，又指自己這次是處女帶團，而譚輝智就是處男食榴槤，譚輝智就笑言這個是他人生中最大的挑戰，希望到時能夠突破到。
車婉婉稱BBQ為今次旅程入軍校
兩人今次也跟家人一起出發，問到時會否怕很難兼顧？譚輝智指會將小朋友交給老婆及車婉婉兒子BBQ，車婉婉說：「為咗呢個trip，我特登送咗個仔去軍校先，學下點樣照顧自己，跟住照顧埋細佬妹。」又指BBQ從軍校回來後終於有「醒咗」的感覺：「佢平時喺一個發夢嘅狀態，我突然間覺得佢醒咗，知道周圍發生緊咩事，多咗啲警覺性。」她指兒子在軍校期間沒有喊，之後更聽長官講兒子在校中做齊所有事情，例如洗衫、洗內衣褲，所以今次也會將譚輝智的衣服給仔仔洗，令譚輝智大叫好，問他會否也想將仔女送去軍校受訓？他說：「我今次觀察吓BBQ睇吓佢嘅進步，佢未去之前已經覺得佢好獨立同成熟，如果再upgrade可以養家，我自己梗係想，但因為佢哋仲係細，（8歲差唔多？）係，我個仔係勁需要。」
新歌破百萬點擊
譚輝智將在月底開騷，他指還有約一個月左右時間，所以今次不會戒口，先享受旅程。另外，他早前推出新歌《熱身要在冧低前》，網上點擊率已破百萬，他感激大家觀看，又表示對今次作品很滿意，拍MV時也覺得很好玩及舒服。
