現年43歲的TVB「御用丫鬟」、曾選過港姐有「翻版朱玲玲」之稱的陳思齊（原名：陳凱怡），於TVB代表作不多，《學警雄心》中的短髮造型算是讓人留下印象。曾轉行當音樂治療及香薰按摩師的她，近年長駐內地投靠前TVB小生蔡淇俊搵食，於街擺攤維生。早前發表「拜金宣言」、希望嫁個有錢人的陳思齊，表示近年於生活極為拮据慘成「月光族」，更自卑到不想見到母親。
陳思齊佛山款待媽媽
陳思齊近日於小紅書上載影片，她寫道「一切的努力只為讓珍視的人過得更好，只要她開心，再辛苦都值得！#陳思齊 #媽媽 #媽媽的世界很小里面裝滿了你 #養家糊口」。於影片中，陳思齊戴上圓形黑框眼鏡，外表不似43歲，上身穿上白色Tee，身形稍為粗線條，看來有減肥的必要。現於佛山的她到車站接媽媽，原來陳思齊移居佛山近2年之後，媽媽才首次到內地探她。
相關閱讀：43歲「翻版朱玲玲」驚現孕肚守得雲開？自爆粗身大細毫無預警 曾呻嫁唔去內地搵食執垃圾
陳思齊於內地生活拮据
陳思齊表示：「今日媽媽終於嚟咗佛山探我，我搬咗嚟佛山差唔多2年，生活一直都好拮据，而且每個月除咗固定嘅生活費之外，基本上就冇乜多餘閒錢，所以我其實唔係好敢邀請佢上嚟佛山探我，因為唔多唔少都要使錢。我又唔想佢過嚟，見到我過得咁閉翳而擔心我。」
陳思齊不想媽媽看到生活閉翳
陳思齊補充，自己「明明捱緊杯麵都話食緊大餐」，呢次難得媽媽到了佛山，她就帶媽媽吃牛肉同順德魚生，更帶她夾公仔和按腳，她表示：「講真喺香港，就真係冇乜本事帶佢去吃吃喝喝」。之後陳思齊再次多謝「師傅」蔡淇俊，指現在已找到自己生存方式，並且充滿鬥志。
陳思齊曾經「整容」
陳思齊於2013年時被傳出整容，她當時當上美容院代言人，而打了兩次透明質酸針，即時導致面部浮腫極不自然。當時被問到發生了甚麼事，陳思齊就直接表示自己整了容，但之後已還原了本身面容。
