已婚大生銀行主席馬清鏗早前被《東周刊》獨家爆出，與網紅「五索」鍾睿心（Rachel）暗交9年，二人育有4名仔女。五索公然做第三者越見高調，昨晚（14日）趁父親節前夕，五索在IG上載一條影片，見到馬清鏗出鏡，雖然打上Emoji遮樣，但成條片可以看出馬清鏗不但是五索口中的「好爸爸」，而且對仔女親力親為照顧，有住家男的感覺。
五索公開彩蛋
五索的新片有不少過往生活的片段，見到馬清鏗入得廚房、出得廳堂，又幫手照顧小朋友，餵奶、換片、沖涼、陪玩做到足。五索留言：「係唔係好男人我就唔comment喇！我只係知道佢肯定係一個好爸爸，係好好好好好，零脾氣，五百分。我代我嘅小朋友同馬先生講一聲：父親節快樂～（不過你好似仲爭我一句道歉！！）#記住睇到尾 #有彩蛋」。
相關閱讀：五索到山頂警署報案罕嚴肅拍片：好賤格 馬清鏗疑戴住婚戒攬實婚外情女友慶生
五索讚脾氣好
五索在影片開始，指馬清鏗絕對是一位超級直男，會每日奪命追魂Call，五索稱好多時候會被激到反白眼。但唯獨有一樣嘢，令五索大讚是好爸爸：「咁多年嚟呢，佢係冇發過小朋友一秒鐘嘅脾氣，由餵奶、換片、𠱁佢哋瞓覺，全部佢都係親自落手落腳……所以好多謝你照顧佢哋。」五索又代表仔女向馬清鏗講「父親節快樂」。
五索大爆料
不過五索於片尾大爆料：「你對啲小朋友嘅時候呢，都要對我咁好，同埋你仲爭我一句道歉，呢件事係我足足嬲咗七年嘅。」原來七年前，五索餵人奶期間揼奶，卻被馬清鏗不慎將成支奶倒瀉。五索不滿說：「仲同我講話因為你好攰喇！仲想點，其實你係應該同我道歉囉，因為你永遠都唔明，係幾咁辛苦嘅一件事嚟嘅。」
相關閱讀：五索馬清鏗公然翹實行街 歌劇院睇騷竟然笑到流眼淚 一行為被外籍人士歧視
