(曾智華)
賽馬遊戲好玩在，你永遠估我唔到！
周三潘頓停賽，之前各大報章馬經版全部估「騎師王」將會開布文或艾兆禮。推斷非常正路，連馬會的操控盤手也咁諗，故前者大熱四倍，後者次熱四點五倍。
開呀！結果賽前排第八位的梁家俊殺\u5497三W封王！俊仔開飛十五倍，有幾多「專家」會中到？另外，當晚「練馬師王」大熱沈集成也同樣倒灶。
賽馬，永遠是牙擦容易中正就難。所以，各位馬評人千祈咪在意班「叻仔Haters」的網上留言。事實，邊有人可以次次貼中？莫講W了，次次中P都難若登天！
犀利如著名法國練馬師賓康也如是說：「以為自己眼光好掂一定中的，全部\u510d\u5413\u510d\u5413！」有此言論，因某個賽日前，我挑戰佢全日十場馬中，畀一隻必有P的。
不過，說來小弟幾肯定周三「騎師王」本應是布文，因佢隻「雷神太保」在最後一百米又被阻又被撞，單睇走勢之強，「比特星」非佢\u55f0皮。
跑馬就是如此，陣上變數或意外之多，絕難賽前準確推斷。
今日兩場三級賽，戲碼平淡，但作為「善長馬迷」，幾平淡都要踴躍捐輸。
沙田銀瓶跑千二米，昔日馬王「金鑽貴人」負頂磅上陣，雄風不再了，剛戰後被減三分，可見評磅員的睇法。若論牌面贏硬，當然是蔡神仙隻「驕陽明駒」，呢隻「榮太子」愛駒今季戰績犀利但冇運，七戰七入Q或P而未能W，點解？因餐餐遇上超級大老虎「嘉應高昇」也。今次熱熱都要食\u561e，不過排十一檔，有少少機會畀人偷雞。
呢場十一隻馬跑，我會以「驕陽明駒」拖較冷的六隻買Q，再用佢做二重彩複式馬膽，投注一百八十大元。
究竟中唔中？下午4點10分有分曉。
