青衣長康邨今日凌晨（20日）發生有大叔遭疑似小三追打，現場畫面在網上流傳，疑似小三在便利店門前與大叔糾纏，又打又推撞該大叔，女子情緒激動爆粗喊道：「叫你老婆落嚟囉！……走啦！……死Ｘ街！」
青衣大叔疑遭小三踩上門爆衝突 現場直擊疑似小三追打大叔：「叫你老婆落嚟囉！」↓↓↓↓
有網民今日（20日）凌晨在社交平台Threads直擊現場情況，該網民表示凌晨到便利店「買嘢飲」，巧遇這對男女在便利店前嘈交。
樓主公開現場影片，他在片中寫道：「大人世界真係好亂，有老婆仲搞三搞四，搞人老公仲同人哋搭膊攬嚟攬去，單身狗我睇得好開心。」
女子步步進逼：叫你老婆落嚟囉！
片中開頭，一名女子不斷以手推撞一名黑衣大叔，她邊推邊揚言：「叫你老婆落嚟囉！」
大叔被大力推開後，女子再上前追打他，兩人一度糾纏發生肢體衝突，大叔退後避走，女子步步進逼：「嚟啊！嚟啊！」
大叔不發一言，扭轉身急速向一邊走開，女子即時追上，從後大力推撞大叔。大叔被大力推開後，又向反方向走開，不斷大踏步欲擺脫該女子糾纏。
畫面看到女子從後緊緊跟隨，雖然大叔未有理會她，但女子仍死纏不放。
涉事大叔乘路人勸交離開 女子大嗌：聽日唔好亂落嚟，死Ｘ街！
現場有另兩名大叔，原本站在便利店門前，似為路人，其中一名大叔在女子大力推撞時，已上前勸交。
其後另一名大叔亦加入，攔著該女子加以勸解，畫面只聽到該女子大聲喊道：「即係鬧緊我啦！」
涉事黑衣大叔見女子被途人攔著勸阻，乘機快步急急離開，女子見狀向著他尖聲大喊：「走啦你！」涉事大叔頭也不回走離現場，女子即不理途人，追上幾步，再向涉事黑衣大叔爆粗大嗌：「聽日唔好亂落嚟，唔好落嚟Take嘢！死Ｘ街！」
拍攝者此時說道：「睇嚟呢個男人（指涉事大叔）係有老婆嗰喎，但係呢個女人嘅語氣，睇嚟好似唔係好簡單喎。」
涉事女子突搭著勸交大叔膊頭 拍攝者評論：你自己都唔係專一嘅人
涉事黑衣大叔離開後，影片看到女子與兩名大叔攀談起來，女子侃侃而談，突伸手搭著其中一名大叔膊頭，三人繼續在便利店門前傾談，由於畫面離遠拍攝，未能得知三人說話內容。
拍攝者在現場不時加插「花生友」式旁白評論，當見到女子搭著另一大叔膊頭時，即笑說：「嘩，仲同另一個阿叔攬頭攬頸，唉，自己都唔係專一嘅人，就唔好對對方咁多要求……」
當涉事黑衣大叔離去後，該女子與另兩名原在勸交的大叔，在便利店門前傾談時，拍攝者又發揮花生友式天馬行空聯想：「我離遠已經聞到味，好似有啲唔對路，嗱，其他阿叔成功抽水啦，有綠帽派啦！」
不少網民與自稱「單身狗」的樓主一樣對事件大食花生，留言充斥戲謔成分：「想知條女尊容。」「河馬口音……河馬細妹？」「我開頭無開聲，仲以為個阿叔男男出軌。」「勁，年紀唔細但仲有市場，對你單身嚟講好大對比。」「原本你(指樓主)唔加句單身狗都冇問題，依家反而有葡萄味。」
同場加映：港女深圳霸氣捉姦 「抄家式」沒收渣男手機鎖匙：「你咁Ｘ開心，以後唔使返嚟啦！」渣男二奶咁反應↓↓↓↓
