由阮兆祥、梅小惠及江欣燕主持的《友乜唔講得》今晚（18日）播出最後一集，壓軸登場的嘉賓是TVB節目內容營運總經理曾志偉。曾志偉分享接任TVB總經理後的生活變化，直言接任前曾遭子女反對。
曾志偉成TVB高層自問高估自己
由於工作性質關係，曾志偉多年來生活模式與一般人顛倒，梅小惠打趣問志偉為何如此熱愛自由及喜歡沒有壓力，卻突然加入TVB做高層，梅小惠說：「你（而家）朝早八點幾鐘就返工，打Golf 都冇咁早……真係要付出好多喎，點解你當其時咁大膽會接受呢？」曾志偉即笑言：「咁我都高估咗我自己嘅，我初初都以為唔使咁辛苦嘅，但原來係唔得嘅。」
相關閱讀：曾志偉回應魯振順收入大減訴求 指冇一個藝人可以做到老 已盡力做到最好保留舊人
曾志偉談接任TVB高層：高估咗我自己
曾志偉公開接任TVB高層兩大原因
曾志偉指加入TVB有兩大原因：「第一TVB 可以講得係我成長嘅地方，我對TVB 好有感情，第二就係我覺得，如果呢個行業係佢養大我嘅，我有能力嘅話，都希望喺呢個行業度做返啲嘢啦…我記得嗰時搵我（返TVB），我自己都諗咗好耐，亦都有同我啲仔女分享，佢哋梗係反對啦，話『喂依家先嚟咁辛苦？唔使喇啩！』」曾志偉表示加入TVB當行政人員後，確實有很多不習慣的地方：「最唔習慣係要睇日曆過日子，以前係唔知咩叫做公眾假期。我成日覺得我哋嘅行業冇假期嘅，要做嘢就做嘢，做掂咗就得架喇，做掂咗咪放囉。」
相關閱讀：曾志偉72歲生日派對有驚喜！《中年好聲音3》二大人氣王玩對唱 有望跑出成「譚輝智2.0」
曾志偉曾多次計劃不再做《獎門人》
曾志偉主持的《獎門人》系列陪伴不少人成長，做足多輯的他坦言每年都結束《獎門人》系列：「《獎門人》我當然好想做，啲嘉賓令現場啲觀眾笑之餘，我自己都（覺得）好笑架嘛，又開心又有錢攞，幾開心係咪先？不過我其實年年都想話『唔做嘞』，因為其實做獎門人就冇機會做第二啲新嘅節目，我成日都想嘗試下唔同嘅嘢。」曾志偉更提起已故前輩肥姐，坦言更愛做下靶，「肥姐就係我上靶，我成日特登講啲嘢駁肥姐，佢成日話『唔好嘈，做乜講啲咁嘅嘢呀，作死呀？』肥姐走咗後，我成日都要做上靶，我最鍾意做人哋叫我唔好嘈嗰個㗎嘛。」
相關閱讀：TVB盆菜宴星光熠熠！大熱視后大合照罕有企C位 「綠葉王」站中間位靠近高層有意思？
曾志偉72歲生日會視帝影帝歌神雲集？
曾志偉被爆「通處瞓」真相
阮兆祥在節目中踢爆曾志偉「通處瞓」背後真相，他說：「佢每一次都喺唔同嘅地方瞓著，通常佢瞓著嘅原因係咩呢？係因為佢太攰，同埋佢好多時犧牲自己睡眠時間去睇劇本，睇啲新導演或者新編劇嘅劇本，你話佢為咗咩嚟睇？佢係為咗提攜新人，如果佢睇到劇本有咩不足，就會同佢講。」
相關閱讀：萬千星輝賀台慶2024｜曾志偉回應《戰場上》被腰斬 稱要注重外間反應 親解黎芷珊缺席原因
曾志偉分享幫人宗旨
曾志偉坦言自己當年做導演時，也希望能有貴人幫忙：「我哋後生嗰時，最難搵就係老闆，邊個肯畀錢我拍呢？所以到到我自己有能力，我就幫佢哋搵金主，同時去搵啲有前途嘅新人。」曾志偉指幫人前有一大宗旨：「除咗佢係新導演同有能力之餘，我最緊要覺得佢人係好先，我唔想為我哋嘅行業帶嚟一個唔好嘅人。」
