（曾智華）
翻查資料才知，原來《送院途中》是套雪藏片，唔係嘛，如此好電影，竟然冇信心2023年第一時間公映，放雪櫃兩年才拿出來？
坦白從寬，小弟本來冇乜大意欲入場睇《送院途中》，但上周家中老婆大人突然悠悠閒話：「肥老公，呢套幾好\u35ce，我都想入場。」
\u5413，咁講？須知佢連《破．地獄》及《九龍城寨之圍城》兩套橫掃金像獎的超級作品，都冇入場\u5643（後來在網上平台睇）。
咁就觸動為夫衝動，第一時間入場。
果然冇失望，兼有多少驚喜，包括對卓韻芝的編劇及導演功力、游學修令人耳目一新的表現、老闆之一的古天樂\u7793身演出（有機會提名下年影帝），以及扮演古天樂女兒的幾歲小演員蘇悅弦，全交出水準以上的表現。
唯一可惜，女主角袁澧林有多少浪費，只經常在沒有伏線下出現，且內心戲不足，浪費了這位曾經提名金像獎影后的演員。
此片也有一定時代意義，因帶出了幾個供大家思考的社會現象，包括：一、上一代聲稱為下一代好，半哄半逼搞移民，但其實下一代根本並不願意；二、香港近年現象，外形斯文美麗的年輕女性句句爆粗，滿口生殖器官而不覺核突，結果是男人唔粗女人粗，戲中反被麻甩佬古天樂好心相勸：「可唔可以唔好咁粗口？」；三、搵食與志業，看似市儈為搵食，但其實默默已在當中找到人生意義。
此片所描述的救護員工作細節，非常精準專業，顯示集編劇、導演於一身的卓韻芝，花了大量時間、心血作深入資料搜集與核實，才會寫出電影中的場面與編排。
無論你為支持本土電影業，又或純為娛樂一百分鐘，《送院途中》皆不會令你失望，火速入場！
