與不同圈子老友定時聚會，其中之一Sing Along小組，每隔半年晚飯。今次一見平時大大隻Fit到爆的肌肉先生「勁S」，突然少少縮 水，身材明顯有變，當然立即問候。
「唉，碌Sir，個個見到我都問，講 N次都仲係要講，正是早前幾乎瓜得囉，唉 」佢擺出個苦情樣。
原來三個月前某晚，佢慣性又去跑黃昏步時，突然心口 住痛，於是立即停低坐下， 一 ，結果幾分鐘後冇事。「勁S」諗，自己日日操，周身肌肉，人人羨慕，點會有事？於是冇理，繼續正常生活。
點知兩日後早上 背囊返工，落到樓下，又來，先個心又 住，繼而四肢冇力，行路也有問題，立即搵家人求救。
阿仔飛撲落樓下見父親臥在地上，面青口唇白，知道大件事，兩個選擇，一係叫白車，另一，因「勁S」早幾年買 醫療保險，有得賠，當下決定去「養和」。
衝入急症室，醫生、護士一睇已知大件事，立即安排全身詳細檢查，一照就知，原來心臟三條血管塞晒，犀利過繁忙時間海底隧道，血液無法流通。點搞？當然火速「通波仔」，救條命仔大過天！
事後身體當然大不如前，更要服用心臟藥、薄血藥、膽固醇藥 無法，年紀也不輕了，決定退休。
小弟好奇一問：「S哥，你六十歲前乜都冇驗 咩？照計你情況，以今天科技，定期驗血就知有幾高危喎，從冇驗身？」
「冇呀，我覺得自己鬼死咁Fit，肌肉扎實，晚晚長跑，冇病冇痛，使乜驗喎？」
不少老友正是如此，完全唔知自己血壓高、膽固醇爆晒錶，因冇乜特別感覺 ，但累積到咁上下，一出事，分分鐘返唔到轉頭。我右眼早年中風，正是如此，驗少次都出事！
