上周日賽事，本以為大賽前夕，戲碼平淡，個個先放軟手腳，一心迎接下周高潮來臨。
點知唔係，突然殺出個「何澤堯日」，竟然橫掃三W三Q一P，震驚四座，幾乎冇佢冇錢收，點解會咁？你問我，我問邊個？總之就是「今天你，當主角 」，其他騎師縮剩一個「哈咾文」布文，佢當日突似食 藥，本來沉 成個月，人人以為佢變廢柴，但突然廢柴又會馬神上身，連掃三W，一係唔出手，一出手就W，犀利。另一令資深馬迷及馬評人彈起的事件，為當日競賽小組的決定，離晒大譜。
老友H乃數十年馬迷兼馬評人，非常 ，不過，今天在香港評馬，多多少少都要忌馬會三分，費事得罪最大勢力，不過，佢有個「膽正命平」老友，即係我：「碌Sir，我 仲要靠寫馬搵食，不能太過坦白，你唔同，一定要執行正義啊。」
嘩，乜講到咁大呀？原因是上周日法國新星貝知仁上場，一亮相，頭場即施展快放功架，在五班1650米泥地賽事，將所有馬放到甩晒轆，騎大熱「天時明駒」的「軟硬鞭」嚇到甩肺，唯有沿途死追，終於臨衝線才將貝知仁的「精明選擇」以短碼頭啄贏，一額汗。
但公眾馬迷，包括小弟在內，無不拍晒手掌，覺得呢丁法國仔非常有料到。事實，佢騎第二場的「黑白」，也顯出不凡功架及勁度，一條直路逢馬過馬，犀利無比。不過，咁正表演，競賽小組竟話佢第一場放得過快，給予告誡，真不知準則何來。
看台公論，競賽董事黐黐 ，過快？你問 潘頓 ，幾乎死畀佢睇呀！
今晚跑「國際騎師錦標賽」，精彩到震。唔願都要，仍應是地頭蟲「軟硬鞭」潘頓奪標機會較高，因佢乃快活谷跑道專家，出硬鞭的話，高一皮 。
