YouTube真係好多寶，尤其是訪談節目。主持的，多不會在廣播電視出現，因限制多多，麻麻煩煩。反之，自己搭架機或與幾位老友合作，就可開個台， 乜都得。
我都係近幾年先知，原來真係好過癮，因為想講乜、幾時講、點講，全部自己控制。
最好玩，可以簡單到在家房中做，上身穿得較好，下身呢，則可以著短褲拖鞋， 種Free法，以前難以想像。
收視又如何？若Hit中市場，隨時可累積幾十萬點擊，影響力絕不簡單。
基於百花齊放，YouTube不少內容非常吸引，特別是久未露面的名人，突然被多年老友拉去談心。
最近睇 兩集老牌娛記汪曼玲訪問上世紀打遍尖沙咀的陳惠敏，認真精彩。
佢兩位識 幾十年，老友鬼鬼，毋須客客氣氣窒住窒住。
尤其陳惠敏，經已八十歲，說話非常坦率，有話直說，回顧人生，有兩點充滿娛樂性：
一、年輕時成日掛住要威，其實極戇居，成世人賺咁多錢，結果只在上世紀八十年代買過廣播道一間千一呎樓，四十萬元。 時賺大把錢，唔識買多幾間，反而好似阿B咁，花幾十萬元買歐洲跑車，以為好巴閉，結果一 就貶值，事後回首，簡直 佬。
二、當年晚晚出入尖沙咀夜總會，飲大兩杯豪氣找數，請日本山口組一晚十萬八萬元，經常醉酒鬧事出手打人，結果成日被拘捕，又上庭又落口供又要麻煩大狀老友清洪。直至七十歲才知威完煩到嘔好老襯，從此改變人生觀，就算出街畀人碰親、 車唔小心撞到，都會率先Say Sorry，忍一口氣海闊天空。
陳惠敏的覺悟，百分百真誠，如今只能 枴杖出街，對一個昔日英雄大哥，都幾諷刺。
