薛家燕、陳茵媺、周嘉洛等昨晚（22日）為TVB節目《思家大戰》錄影，薛家燕指已是第三次參加，笑言不知道李思捷為何對她念念不忘，薛家燕指女兒很喜歡看這節目，也有問自己是否有把握勝出，雖然已參加多次，但因遊戲是考反應及思維，所以也掌握不了箇中的蹺妙。
【相關閱讀】：薛家燕30年前韓國演出片段曝光！ 閃爆低V舞衣艷壓全場又唱又跳
【點擊睇薛家燕陳茵媺周嘉洛錄影相】：
薛家燕透露剛收到通知，要她在台慶中帶領幾十個男仔一起跳舞，不過因11月她將要到新加坡、馬來西亞及大陸等地方工作，所以時間上會很趕：「梗係返嚟排，不過我第一次同咁多男仔一齊跳，驚到時會暈浪同唔可以集中精神。」薛家燕指到時會表演不跟平日不一樣的舞蹈，又笑言因早前去了潮洲拍攝《溜走的真味》，品嚐了當地太多美食，返港後肥了幾磅，現時正積極減磅，回復輕盈身形。另外，提台慶今年仍未亮燈，薛家燕就表示可能特別安排，自己剛返港所以不知道。
怕有尷尬問題不讓仔女看
首次參加的陳茵媺（Aimee）指事前老公陳豪叫她放鬆地玩，不需要太認真，不過因怕節目中有機會有尷尬問題，故不會讓仔女觀看。陳茵媺近期頻頻現身為新劇《羅密歐與祝英台》做宣傳工作，問仔女是否有投訴？她直認有，但幸而有奶奶湊住他們，令她感安心：「冇辦法，都同佢哋講上星期我都帶咗佢哋去深圳探阿Mo，已經有family day，咁今日媽咪去做嘢，你哋應該都要比媽咪去，不過大仔都會話媽咪I miss you！」
問到仔女會否被她與陳豪影響想做藝人，陳茵媺就表示有可能，尤其是女兒，因她很貪靚，更會在家中扮香港小姐：「但我暫時都未俾佢睇我以前嘅片，我冇同佢講，反而佢喺學校就有先生或者同學仔嘅父母話俾佢知媽咪喺香港小姐。（有冇話大概要參選？）冇，佢未識呢啲。」
陳茵媺女兒想做YouTuber
陳茵媺又指女兒很喜歡拍片，例如會拍些玩具開箱片、推介食物的影片等，拍完之後又會問她在哪裏分享，自己亦會問女兒是否能分享：「始終佢係女仔，我會問佢意見，佢開始大，我都會想得佢同意先放上網，但佢暫時都未話想開自己IG，（阿Mo話阿女想做YouTuber！）佢冇同我講，但我唔係好建議，佢哋咁細個，首先真係要教識佢哋點樣去保護自己嘅私隱同保護自己，因為而家網上世界太大同埋好多嘢要防範，尤其係好似網絡欺凌，都要比較小心處理，就算大仔我都覺得太細，等遲啲先。」陳茵媺又指在小朋友有電話前要先搞好他們的思想，讓他們了解網上的世界是怎樣，也要他們清晰地知道自己在做什麼，這樣才可以安全地讓他們進入網上世界。
