溫碧霞專訪｜憶反叛期沾煙酒逃學落D睹好友吸毒斃命 17歲拍牀戲感委屈：諗返好傻

由溫碧霞（Irene）監製的傳記式電影《我們的十八歲》將於本月上映，故事以她一生的經歷真人真事改編，講述80年代家境貧困的女主角Elaine（林千渟飾）與好友李羨英（楊偲泳飾）踏入娛樂圈的心路歷程，當中不乏裸露、牀戲、食煙飲酒等鏡頭。溫碧霞坦言拍攝期間勾起不少回憶，如今回望反叛時期的自己，她笑稱：「我覺得自己幾有Character，細個覺得自己好有性格，天不怕地不怕，咁細個就自己出去闖天地，好型，諗番轉頭我唔曳就唔會入呢行。」

【相關閱讀】：12個TVB經典舞小姐！周海媚最驚艷靚過《一舞傾城》 溫碧霞吊帶小背心上陣

【點擊睇溫碧霞成長歷程】：

由溫碧霞監製的傳記式電影《我們的十八歲》，故事以她一生的經歷真人真事改編。

 

故事講述80年代家境貧困的女主角Elaine（右，林千渟飾）與好友李羨英（楊偲泳飾）踏入娛樂圈的心路歷程。

 

戲中不乏裸露、牀戲、食煙飲酒等鏡頭。

 

溫碧霞與李麗珍（右）分別飾演Elaine（林千渟飾）和李羨英（楊偲泳飾）的成年版。

 

女主角Elaine（林千渟飾）小時候曾差點被家人賣走。

 

狄龍飾演女主角Elaine（林千渟飾）的前國民黨軍官嚴父。

 

彩蛋中，狄龍飾演的前軍官嚴父見證女兒Elaine出嫁，溫碧霞坦言此幕一償心願。

 

1992年TVB劇《火玫瑰》是溫碧霞的代表作之一。

 

溫碧霞憑TVB劇《火玫瑰》飾演「海潮」走紅。

 

溫碧霞主演的TVB劇《封神榜》也是經典之一。

 

溫碧霞在TVB劇《封神榜》飾演「妲己」一角令人印象深刻。

 

溫碧霞曾演出不少電視劇和電影。

 

溫碧霞（左）曾演出TVB劇《與郎共舞》。

 

溫碧霞曾演出TVB劇《圓月彎刀》。

 

溫碧霞曾演出TVB電視電影《倒數七日情》。

 

溫碧霞曾演出亞視劇《一零一拘捕令》。

 

溫碧霞15歲在街頭被資深電影人黎大煒和文雋發掘，並參與了人生首部電影《靚妹仔》。

 

溫碧霞憑處女作《靚妹仔》提名金像獎最有前途新人。

 

溫碧霞拍畢《靚妹仔》從此愛上演戲，並決心成為一名出色的演員。

 

溫碧霞1984年夥拍劉德華主演《停不了的愛》。

 

溫碧霞1984年夥拍劉德華主演《停不了的愛》。

 

溫碧霞與劉德華在《停不了的愛》有吻戲。

 

溫碧霞與劉德華在《停不了的愛》更上演牀戲。

 

當時未成年的溫碧霞與吳孟達在《停不了的愛》亦有牀戲。

 

1996年，溫碧霞與任達華合拍三級片《驚變》。

 

溫碧霞與任達華在《驚變》露點演出，但因尺度過大惹來爭議。

 

溫碧霞婚後仍有性感演出。

 

溫碧霞每次現身公開場合造型都好有驚喜。

 

溫碧霞在八兄弟姊妹中排最尾，已故父親是前國民黨軍官，因此自小管教嚴謹。

 

溫碧霞覺得父母不太了解自己的需要，只一味要求她讀書，禁止她出夜街及拍拖。

 

溫碧霞14歲無心向學，逃學落「Noon D（午場Disco）」飲酒食煙，還遇上不良少年。

 

溫碧霞15歲被媽咪狠摑後離家出走，她說：「嗰時好想走出去睇吓個世界，亦好想闖一番天地令家人生活好啲。」

 

溫碧霞自認性格好強，由細到大想做的事無人能阻止：「我要做一樣嘢一定會做好佢，細個我唔係好讀書都考第一，但我就係唔鍾意返學、做功課，咁就開始逃學。」

 

溫碧霞坦言當年14歲已扮大人飲酒食煙：「嗰時以為自己好型，覺得出面世界多姿多采，雖然遇到啲朋友想帶壞我，但我本質唔壞，毒品我一定唔會掂。」

 

溫碧霞拍畢首部戲便獨自搬出去住：「嗰時一部戲有8,000蚊已經好多，爸爸都係一個月得幾百蚊人工，我仲要每個月有2,000蚊人工，賺到錢都有畀屋企。」

 

後來溫碧霞的父親離世，大受打擊的她一度逃到外國玩失蹤，幸失意時遇上丈夫何祖光（左）。

 

任職銀行主管的何祖光（左）家世顯赫，爺爺乃國民黨名將何應欽。

 

當年有傳何家介意她拍過艷片，溫碧霞坦承何祖光曾背負壓力，二人一度鬧分手，怎料分開一、兩個禮拜後何祖光便向她求婚：「佢發現最愛都係我，愛可以打破一切。」

 

溫碧霞強調不會因結婚而改變：「好多人話結咗婚唔使做啦，可以歎世界，我覺得如果自己唔做嘢，我生存喺呢個世界有乜意義，我會問自己存在價值係咩？」

 

溫碧霞直認戀愛大過天，曾於婚前減產出走兼陪家人。

 

溫碧霞婚後在內地收養被遺棄於火車站的何國倫（Xavier）。

 

溫碧霞一家三口住在逾2,000呎的清水灣海景豪宅。

 

溫碧霞家庭生活幸福美滿。

 

養子何國倫（Xavier）現時在美國升學。

 

溫碧霞盼養子何國倫（Xavier）能獨立地成長，並自由發展興趣。

 

溫碧霞稱從沒後悔性感演出，因對她來說是一個突破，並認為電影、人體都是藝術。

 

56歲溫碧霞於2000年下嫁富商何祖光，婚後在內地收養被遺棄於火車站的何國倫（Xavier），一家三口住在逾2,000呎的清水灣海景豪宅，生活幸福無憂。然而，出身清貧的溫碧霞前半生卻歷盡艱辛，她自幼在調景嶺成長，一家十口擠在數百呎的木屋過活，屋企一磚一瓦也是爸爸親手建立，每逢返風落雨瓦頂還會漏水，5歲時更因經濟拮据差點被媽咪賣走，雖然日子艱苦，但她稱仍充滿快樂回憶：「屋企冇乜錢，所以細個成日食豉油撈飯，仲有罐頭豆、豆豉鯪魚、煎雞蛋，有雞食嗰日或者媽咪買包栗子畀你已經好開心，就因為咁窮，你經歷過捱過，愈難得到先更加珍惜擁有嘅嘢。」

愈管愈反叛

八兄弟姊妹中排最尾的溫碧霞，從小獲哥哥姐姐錫到燶，惜曾任軍官的父親管教嚴謹，令好勝的她愈大愈反叛：「父母唔太了解我想要咩，就係要我讀書、唔准出夜街、唔准咁細個拍拖，所以我細個成日覺得缺乏愛，連男同學打嚟都唔畀我聽，爸爸會即刻掛線。」不過，溫碧霞直言：「如果我要做一樣嘢就一定要做到，冇人可以阻止到我，就算話我做錯都唔理！」結果14歲無心向學，逃學落「Noon D（午場Disco）」飲酒食煙，未料遇上不良少年，終給她一場震撼教育：「嗰時落Disco個個都叫你試吓丸仔，我唔敢，但我朋友食咗兩粒、飲咗好多酒，我見到佢嘔白泡，即刻Call十字車，最後OD（藥物過量）死咗，所以我好細個就知道呢樣嘢一定唔可以掂。」

直到15歲被媽咪狠摑後離家出走，溫碧霞在街上獲資深電影人黎大煒和文雋發掘，並憑處女作《靚妹仔》提名金像獎最有前途新人，自此愛上演戲的她決心成為一名出色的演員，1984年夥拍劉德華主演《停不了的愛》，當時她更與劉德華、吳孟達上演牀戲。提到《我》片女主角被迫剝衫演出，現實中可試過不情願地接下某些工作？溫碧霞不諱言：「嗰時17歲未成年，有啲好激嘅場面唔識Handle，會緊張同唔敢做，拍完好似好委屈咁，但大個咗就知係拍戲咋嘛。」

無悔赤裸演出

為突破自我，1996年她還於三級片《驚變》露點演出，惜尺度過大惹來爭議，加上父親離世，大受打擊的溫碧霞一度心淡，甚至逃到外國玩失蹤，幸失意時遇上丈夫何祖光：「而家望番轉頭覺得自己好傻，做咩要為人哋講嘅嘢令到自己咁唔開心？而家就真係I don’t care，我自己知道自己做咩，唔需要Please佢哋，所以我從來冇後悔過，過往每部作品我都係好鍾意先拍，對我嚟講性感演出係一個突破，因為電影、人體都係一個藝術。」

對於任職銀行主管的何祖光家世顯赫，爺爺乃國民黨名將何應欽，有指夫家介意她拍過艷片，溫碧霞坦承丈夫曾背負壓力：「我同佢係兩個世界嘅人，可能會有啲流言蜚語，朋友或家人間會對我有啲誤解，形成曾經有段時間差啲想同佢分手，我話如果你咁介意人哋講咩係冇意思，咁我聽到都唔開心架嘛，但就因為嗰時分開咗一、兩個禮拜，佢先向我求婚，因為佢發現最愛都係我，愛可以打破一切。」

 

採訪：黎寶倫
攝影：朱偉彥
化妝及髮型：Sharonlam107
場地：The Vault@中環藝穗會