上星期遮打盃一級賽，「元老馬評家」張福元，一箸夾中單Q「將王」搭「浪漫勇士」，賽前分析有板有眼有根有據，與其他「靠估馬評家」又或「陰謀馬評家」所言者，有頗大分別。
任何馬評人，一周畀十幾二十場貼士，根本大部分是盲俠飛鏢，能中三分一已不得了，肯定早早住 上半山區。但事實係絕大部分馬評人，皆只能住在山腳，這個令我想起某富豪揶揄：「日日打開財經版及電台電視，見到 財經演員點紅點綠，冇料當四條去誤導散 ，唉 真係好陰功 。事實你有幾可見到正所謂財經專家發達，住 上半山區 ？」
富豪所言，未免有點兒刻薄，但也算是一矢中的。所以，無論投注賽馬或買股票，小市民應知，此乃遊戲一場，你是幾乎必輸 。
幾乎必輸，當然包括馬評人。
不過，賽馬到底是項運動，總的來說仍是優勝劣敗，尤其高獎金的級制賽事。簡單，獎金由幾百萬元到一千萬元，個個都想贏，有名又有利，點會明明贏得走去輸咁戇居？
，明天又有一場級制賽，建議大家又要先聽聽張福元點睇 。此乃「沙田銀瓶」三級賽，跑千二米，短途馬王「金鑽貴人」 重磅掛頭牌出戰。
有人話：「喂，好等錢使咩？呢類賽事獎金唔高，又要讓磅，咁重，隻馬好傷 。兼且讓磅賽分分鐘被偷雞，點解唔留返 里程，專攻平磅賽呢？」
原因真係要問問練馬師文家良及馬主鄭氏一家 。呢個決定，多少有點怪！
呢場八隻馬有四隻屬「蔡氏宗親會」，我會以「金鑽貴人」做二重彩複式膽，一拖四。
另一場三級賽，「美麗同享」及「永遠美麗」做二重彩單式膽，拖四隻！
