網上流傳一宗懷疑車廂打鬥案，長21秒的片段見到穿粉紅連身裙、頸後有紋身的赤腳女子，正肉緊地與一名黑衣男子拉扯；而地上散落粉紅色手袋、一隻鞋及雨傘。
兩名事主之間隔有一名連呼「喂，唔好打啦！」的勸架藍衣女子，但被盛怒的粉裙女無視，繼續隔著人牆衝前持綠色平底鞋奮力連扑黑衣男數下，男子手部疑被打出紅印。
車廂MMA實況及網民回應：
同一時間，兩名男乘客接力勸阻，指「你都唔好打啦」、「喂，唔好打架呀」、「邊個打都唔啱」、「唔好打啦OK」、「總之打架就唔啱」。片中還聽到一把女聲，好心指「唔見晒啲嘢啦，快啲執番」。
但見怒氣沖沖的粉裙女厲聲斥責：「依家邊個打先呀？」，邊說邊揮舞其平底鞋，險殃及和事佬。粉裙女最終聽從勸說停手，調頭執拾散落地上的雜物，片段就此結束。
網民睇片食花生之餘也隔芒勸架，指「唔好打交」，另有人看到「好似係鞋，個男人手紅了一大片」。見片中女子連環出手，網友更把她形容為「拖鞋格鬥專家」。
帖文來源：香港突發事故報料區及討論區
MMA相關新聞：
同場加映：
搭港鐵驚見港女收疑似「出軌訊息」 掀捉姦疑雲：拖手男正印定小三？
有網民在港鐵站見到一對情侶拖手，女方手腕戴著的Apple Watch，顯示收到一個曖昧訊息，引來網民熱議事件。
港鐵拍拖情侶 引發網絡出軌疑雲↓↓↓↓
網民：過分解讀 無中生有
不少網民對事件大食花生，樓主帖文一出，引來熱議，不過，部分網民呼籲不要在事件上過分解讀，出軌之說極可能只屬子虛烏有，任何評論對男女雙方都不公平。
「Justin可以係現場男士，同發訊息男士可以係同一人。」有人指Justin可能是女性朋友：「我識有個女仔都叫Justin喎。」「I miss you唔一定係情侶之間先講得，普通朋友都得。」「可能係老豆同個女講I miss you。」「邊到見到拖手仔？張相唔清唔楚，我就見唔到囉。」「無中生有。」「非常無聊。」
來源：連登討論區
—
