有家長在網上控訴指，天水圍一間小學竟安排學生，下午3點放學時間留堂食午飯，涉事學校老師向到來接子女放學的家長，宣布安排時亦難掩詫異：「無錯，我都比你更驚訝！」
事件肇因疑與飯商出錯有關，涉事飯商其後出通告解釋今次出現離譜安排的原由，再度惹起家長不滿。
離譜！天水圍小學生竟下午3點留堂食午飯 教師向家長宣布安排亦感詫異：「無錯，我都比你更驚訝！」飯商咁解釋↓↓↓↓
事件發生在本月（10月）9日，有網民在社交平台公開事件，帖文附有影片錄到涉事小學教師向到來接放學的家長，宣布安排時的情況。片中老師表示有部分小學生下午3時放學時間，仍要留校食午膳：「佢哋正喺樓上食緊佢哋嘅午餐」。
現場有不少家長聞言感震驚，「吓」聲四起，負責宣布的老師亦難掩詫異地表示：「無錯，我都比你更驚訝。」
該老師又向家長表示，由於午膳時間大幅延誤，「班主任、老師們」已經「將可以畀佢哋食嘅嘢」都給與學生，「無餓到佢哋嘅，放心」。
老師：「無餓到佢哋嘅，放心」
老師請家長稍待片刻，指其子女「會食埋個飯先落到嚟」，該老師又透露事件與午飯供應商發現某款午飯款式「出現一些狀況」有關。
發帖的家長批評飯商無法按時供應午膳：「有間小學飯商……lunch time俾唔到個lunch，然後叫小朋友3:00放學時留堂食埋個飯先走，結果d小朋友lunch time時就剩係得分到少少魚蛋同餅，老師都拎埋自己d儲備出黎分俾學生，d小朋友餓到肚痛，真係好荒謬啊。」
該家長又出示，飯商其後發給家長的解釋通告解釋，當日因為供應的A餐「粟米汁雞扒配飯（娃娃菜）」，在例行試食監測時，發現粟米汁「風味有異」，為確保飲食安全，暫停供應。
飯商：發現供應一飯款「風味有異」
通告指已緊急調配外送另一款「海南雞飯餐盒」至學校，期間並於「現場提供點心予受影響師生」，飯商對事件造成師生與家長不便，表示「誠摯歉意」。
發帖家長批評該通告「所謂嘅交代真係不知所謂」「完全推卸責任」，該家長又批評學校處理不當，未有即時通知受影響學生家長，「啲家長係（接）放學先知」。
另有該校家長留言補充，指當日出現問題的A餐，因「調配需時，因此延遲至1500放學先有得食」，而其餘款式午餐雖「準時送抵學校，但不知為何會延遲至1400先食」。
網民：買住其他嘢食返去畀學生食都唔做？
該家長又批評，學校及飯商應變安排不妥當，指有學生午膳時間未能獲得食物，要「空肚」上課：「學校／飯商所謂應急只是將小賣部可食嘅東西盡量分派俾各班，但小食及零食數量並不足夠應付訂A餐的學童，導致個別班級出現鬥快搶的情況，有學童搶唔到，無食物頂肚。」
網民熱議事件，不少人奇怪何以校方未有即時通知家長，或暫時出資為受影響學生買飯：「食商出事學校都處理得好差，學校應該即刻係出面買飯畀學生食。」「買住其他嘢食返去畀學生食都唔做？」「間學校好新？好似唔識應變咁……」
涉事小學於2000年開辦，原與區內一間中學結為一條龍學校，但08年因中學部轉直資而「斷龍」。
來源：fishfish0701＠Threads
同場加映：學校小食部驚現「最刻薄」蛋治 事主無奈：嗰蛋想點 定價咁多惹熱議↓↓↓↓
