曾智華
香港七百幾萬人，內\u88cf有不同經濟能力的為食鬼，愛食，也日日要食。再加上每年湧入港的千萬計遊客，飲食市場仍非常龐大。
對，人人喜歡講及聽壞消息，故此一有食肆執笠，尤其傳統名店，立時變新聞。但老老實實，當中不少店根本早就應該執，例如某老牌客家菜，小弟童年經常全家幫襯，但搞搞\u5413，不單出品完全冇進步，最弊由服務到衛生皆極不理想，我雖喜懷舊，也冇去十年過外，這種過時名店，不思進取的經營方式，淘汰是必然的。
人人喜歡聽壞消息，今日不如我講一個好消息，正正有間食肆，睇住佢越做越旺，逆市擴張，生意仍接不斷，點解？市場冇死錯人！
誇張，三個月前還拍拍\u54cb烏蠅，但今時今日？唔訂必定無位。訂？也可能要排隊。正是尖沙咀漆咸道火紅新貴「志成小館」。
三個月前，冇乜人識，冇乜人去，因冇乜宣傳，兼位在二樓，入口略似色情架步，生客肯定唔會行上去。
食家老友「消防K」帶去，一試，咦喂乜咁正？原來老闆兼大廚名余志惠，入廚幾十年，曾在「家全七福」掌廚，如此背景，加上對質素有堅持，水準自然彈離一般食肆。
我不是飲食羅賓漢，純因跟住搵食的「為食兵團」陣容日漸龐大，立即連包兩場，帶一百二十幾人去幫襯。另再十多次一圍圍去，即共帶過二百多人去欣賞大廚功力，全部拍爛手掌。之後，當然個個再帶老友、家人去，如此，三個月內多\u5497上千客。
於是，爆瀉了。
昨日大廚傳來喜訊：「碌Sir，我\u54cb擴張喇，租埋樓下八十座位茶餐廳，立即裝修，12月完工，舒服好多\u35ce。」
邊個話香港飲食冇得做，了解\u5413「志成」先啦。
