曾智華 精彩人生自己創
寫專欄，頗難預測反應，有時以為出\u5497段刺激\u5622，反應必定群情洶湧，哈，點知波平如鏡，根本冇人有興趣。
上周我在本欄只輕輕提提在又一城泊車被斬48蚊，如此小數目，拗都費事，點知一刊出，嘩嘩，使唔使你又彈起、佢又彈起？
冇睇文章讀者，在此簡單重複一次。小弟在又一城睇完戲買完\u5622，\u651e350蚊單據去禮賓處「吸飛」免費泊車兩小時，但禮賓處未開，通告指示將車駛到出閘處，交管理員處理。
駛車到出閘處，車停定，管理員拒絕處理，因電閘桿已升起。點解升起？因感應器知我駛近，指示電桿升起，一升即自動在信用卡扣48蚊。問題在\u22ef\u22ef根本冇任何清晰指示車輛應停在哪一個位置，才不會觸動感應器，可能\u63f8前\u5497幾吋就領\u5622。
經驗刊出，嘩，原來I am not alone，網上留言湧出，全有相同經驗，個別更慘被斬百幾蚊，谷到變田雞。總結反應：
一、又一城管理層唔係唔知，而係詐唔知，斬得幾多就幾多（陰謀論？）。
二、碌Sir冇理由生吞，怎不殺上管理處理論？
三、領過\u5622者話以後在閘前停遠\u5572，再下車行去搵管理員處理，但可能變醜人，因會畀排後面的駕駛人士「砵」到飛起。
四、紀律部隊大Sir辦案經驗豐富，指出切勿因貪積分、貪方便，加入乜乜物物會，最不智為自動獻出信用卡綁死，須知現今世界盜匪如毛、騙子如麻，一旦將資料洩漏出去，損失可大可小。結論是用回傳統方法，出入逐次拍卡。大Sir方法通唔通？似乎越來越難，例如\u6052基旗下的美麗華商場，唔入會根本冇得泊車。
小弟心態簡單，我唔要分，也唔要著數，但求泊車安全快捷，咪搞咁多無謂花臣煩住阿叔，唔該！
