近日有「塗鴉黨」肆虐大埔，多輛貨車遭殃，車身慘變大花臉，網民發帖求提供車Cam（行車記錄儀）片段以便緝兇。詳情見下圖及下文：
「塗鴉黨」肆虐大埔 貨車遭殃車身慘變大花臉逐張睇↓↓↓↓
匿名的樓主本月12日在facebook群組「大埔 TAI PO」上載相片發帖並作出呼籲「近日大埔水圍路及大埔頭一帶出現咗塗鴉黨，希望大家能夠守望相助提供車Cam片段，時間為2025-8-10晚至2025-8-11上午」。
相關閱讀：大帽山「貓屋」原型現身？貓掌撐撐尾搖搖 網民驚嘆神同步
網民痛惜：架車人哋搵食
相中見到被「塗鴉黨」看中的貨車，車身均被大面積塗鴉。有網民痛惜，指「架車人哋搵食，係私人物品」。
不過，也有回應的網民跳皮坦言「你做咗我想做嘅嘢」，另有人甚至稱讚花碌碌的塗鴉「好靚」、「話時話，幾靚喎」，形容為「藝術品」、「簡直係上帝嘅傑作」，揚言「唔係人人噴到咁靚，呢啲藝術」，認為「俾多少少時間噴應該可以再靚啲」。
還有人從金錢去著眼，表示「唔錯，幾靚叫人噴都要幾千$，仲要有簽名」、「如果搵人噴一副，要啲千蚊，你免費益咗你」，於是有人心思思「今晚擺架車過去俾佢哋幫我搞搞佢先」，還有人笑言「獨一無二，肯定唔會有人偷」。
相關閱讀：油麻地勵志塗鴉勁暖心：行落去總好過跳下去 網民力勸：唔好死
網民正經地作嚴厲批評
不過，有網民正經指稱「點解我覺得核突，塗鴉這技術要多點練習才可以」、「操多幾年先出嚟Ｘ啦」、「咁鬼核突，就咪鬼噴花人哋架車啦！」。另有人對「塗鴉黨」和跳皮留言讚靚的網民作出嚴厲批評：
•雖然係幾靚，但係未問過人就噴人架車始終唔啱，開聲問大把人肯俾你噴啦。
•其實都唔明你哋諗乜，架車人哋搵食，係私人物品，可以話靚還靚，但係擁有者唔鍾意，係要話破壞者益咗佢咁，笑死人咩，俾著係你架車？俾你架車俾人刮一下都要人賠幾千成對門換，又話噴色又盛。可唔可以唔好一個話靚，跟住成班圍爐？
•其實話靚話正嗰啲Ｘ樣咩心態？會唔會唔係靚唔靚嘅問題呢？喺你冇得罪人情況下你哋屋企俾人淋油，個個話係藝術作品嘅時候你哋會有咩感受？當你哋要想辦法清理嘅時候咩感受？當你哋無啦啦要洗錢，浪費時間去處理嘅時候又係咩感受？
對於樓主「希望大家能夠守望相助提供車Cam片段」，有人似乎看透世界，淡淡然拋下一句餘音裊裊的「真相俾你搵到又點啊……」。
相關閱讀：車門慘遭塗鴉 網民發現竟是《月亮代表我的心》歌詞？↓↓↓↓
一輛泊於大圍路旁咪表位的白色私家車，懷疑被人在車門上寫了兩行歪歪扭扭的字——「去你看一看 你去相一相」。路過的樓主拍下現場實況後，以「玩咩會畀人咁拉花」為題在facebook討論區上載相片。
網友好奇細看，指「塗鴉啫；拉花就慘咯！」，並紛紛問門上兩句是甚麼意思：「講乜」、「佢講乜」、「隻隻字都識，放埋一齊就唔知佢講咩」。有人估是「猜謎語？」、「我以為係對聯」、「阻住車輛轉彎」，有人更為兩句加上標點，變成「去你。你去 看一看，相一相」。
不過，最獲認同的，是有網民發現「去你看一看 你去相一相」，可能想寫鄧麗君名曲《月亮代表我的心》歌詞↓↓↓↓
《月亮代表我的心》歌詞
你問我愛你有多深 我愛你有幾分
我的情也真 我的愛也真 月亮代表我的心
你問我愛你有多深 我愛你有幾分
我的情不移 我的愛不變 月亮代表我的心輕輕的一個吻 已經打動我的心
深深的一段情 教我思念到如今你問我愛你有多深 我愛你有幾分
你去想一想 你去看一看 月亮代表我的心
