現年35歲、中韓混血女星Sue Chang張厚耀，跟富貴老公同三名子女住在大埔比華利山，嫁入豪門後創立親子時裝品牌、珠寶品牌以及畫廊，過着闊太生活。但她近日就意外有網上自爆，跟老公要睇婚姻輔導，但表示效果未如理想，更直指「另一半唔係好合作的話，其實完全無咩幫助」，並表示彼此的「劣根性根本冇改到」，婚姻狀態令人擔心。
Sue Chang張厚耀同老公感情出問題？
Sue Chang張厚耀於網上極有名氣，早前就獲前港姐冠軍陳凱琳之邀一起拍節目，她嫁入豪門後誕下3個子女，並不時於網上分享幸福生活，但原來她跟老公感情出現問題，更承認兩夫妻曾見婚姻輔導，不過就「唔幫得幾多」。
相關閱讀：34歲富貴混血女主持 人奶水柱激射面頰惹熱議 分享生B塞奶之苦
Sue Chang張厚耀認睇婚姻輔導：
Sue Chang張厚耀：睇婚姻輔導要好多錢
Sue Chang張厚耀昨日於Threads撰文，指見婚姻輔導，始終是有正面作用：「我覺得見吓係幾好，佢會幫你脫離受害者角度去諗嘢，因為當你入咗間房要分享心事嘅時候，好容易會成為左受害者既身份去講出自己嘅委屈、傷心同憤怒（有時會同老公一齊見，有時會單獨見）婚姻輔導會理性分析我地既關係點樣失衡，同教導我地建立一個家嘅核心結構有邊幾點係好重要⋯你亦都會驚訝地發現自己原生家庭對你段婚姻影響係有幾大，但當然會好花時間同好花錢。我好記得一開始輔導師仲俾咗功課我哋返去做，佢要我地真係放低手機（較飛行模式）、小朋友同工作，搵一個安靜嘅空間，面對面望住大家傾吓當初係點樣鍾意左對方而一齊的，佢希望我地做完呢份功課後，可以嘗試幫到我地搵返初時認識既甜蜜感覺。」
Sue Chang張厚耀：婚姻輔導僅幫到2成
Sue Chang張厚耀指兩夫婦有聽從建議認真做功課，但效益卻不大：「我哋一路飲酒一路傾，但覺得效果未夠理想⋯因為一齊10幾年，又生晒小朋友，仲點搵得返嗰份甜蜜？有啲好似夾硬嚟，同埋如果你既另一半唔係好合作的話….其實完全無咩幫助。對我嚟講，婚姻輔導幫到我哋20%？係，真係幫助唔大，因為我哋既劣根性根本冇改到」。
Sue Chang張厚耀看書打救婚姻
Sue Chang張厚耀之後指，睇婚姻輔導幫到2成，而其餘8成就靠看書去補救。她指「好多人覺得婚姻困難重重走唔出嚟好辛苦，其實係代表我哋嘅靈性需要成長，而我哋做嘅嘢係好簡單，唔需要改變對方，我哋改變自己就夠，以前一直以為係對方有問題，但睇唔到自己既問題」。
相關閱讀：混血富貴女星激騷三代同堂性感照 美魔女母親完美身材令人讚嘆 曾送弟弟近千萬豪宅
陳浚霆舊愛嚴紀雯宣布離婚：
