韋帕颱風肆虐期間，有港男分享在旺角截的士，的士坐地起價要收打風附加費，港男即場以一招應付，他透露後續，結果歡喜收場引起網民熱議。
韋帕颱風｜港男打風1招KO劏客的士 結果歡喜收場$29返到屋企↓↓↓↓
樓主在社交平台Threads發帖分享事件，他表示「不吐不快」，向來都知道打風坐的士「係要加錢，就算你唔講我都會自動加畀你」。昨日（20日）凌晨1時左右，當時八號風球，他在旺角朗豪坊截的士，「個陣天氣仲幾好，我伸手截車然後有架冚旗的士駛過嚟，問我去邊度？」
樓主表示去佐敦，的士司機回覆說：「吓，佐敦呀，加70啦，你都知打緊風行規嚟㗎嘛。」樓主不滿的士司機態度：「個語氣好似ＸＸ我咁，打風仲咁難為你開工？」於是樓主即出絶招，拒絕上車：「我冇上車，我叫佢走。」其後有第二部的士駛來，樓主向司機表示去佐敦，「佢咩都冇講，返到去都係$29。我直接畀$100 ，都唔益(之前)嗰個(的士司機)……」樓主最後祝福這位無坐地起價的司機「一路順風生意興隆」，他認為的士司機欲打風加錢，語氣態度很重要：「其實講嘢好聽啲，又或者係上車同個客傾會唔會好啲呢？」
網民：語氣態度好緊要
不少網民留言熱議，有人分享相似經歷表示截的士由黃大仙去觀塘，他主動向的士司機表示加多二百元，結果司機反而「話1舊水得啦」，上車後司機更表示體諒打風截車乘客：「你上得車都唔係去玩啦！點會亂咁收錢喎！」
不少網民認同樓主指「講到尾，語氣態度好緊要」，「行規，邊個話？」，「上車前明碼實價，啱價就上，唔啱咪算，話晒都打風，呢一刻無風唔代表下一刻安全。」
來源：harrypaak＠Threads
同場加映：韋帕颱風｜將軍澳屋苑露天天橋驚變「斷命橋」 長者過橋緊抓石柱 同行居民爆恐慌：行到一半想嗌救命↓↓↓↓
韋帕颱風襲港，十號風球高懸，將軍澳有大型屋苑接駁商場的露天天橋，驚變「斷命橋」
有網民在社交平台分享影片，現場風勢強勁，畫面清晰聽到呼呼聲響，數名想行過天橋的居民即時卻步
片中有兩名年長居民走至中段位置，亦無法前行
須躲在柱樑位置，緊緊抓實，互相倚傍，避免被吹倒。
由於太大風，其他居民亦無法上前施以援手。
現場風勢強勁
樓主在帖文中表示，當時亦有跟隨該對年長居民過橋
她形容該天橋變「斷命橋」，「痴線，我屋企樓下好恐怖」。
她形容當時情況非常恐怖：「行到一半想嗌救命。」
「吹咗我走又跣又斜…我捉住d扶手，好狼狽。」
兩名長者最後趁風勢稍緩
兩人慢慢向前行
估計最終成功走過天橋
網民同時分享屋苑戶外情況，樹木被吹得不斷搖晃
樓主最後發帖表示已成功過橋，到達商場購買了麥當勞早餐獎勵自己。
