有網民直擊昨日（13日）有大媽在天星小輪「偷電」煲電話粥，小輪船頂高過人的插蘇，竟被大媽想出方法，偷偷插電為手提電話叉電，目擊網民表示自己「淆底冇出聲」，「同船都冇人出聲」，但水手其後接獲舉報並作出處理。
大媽天星小輪偷電煲電話粥 1方法偷插船頂插蘇 水手接舉報咁處理↓↓↓↓
有網民昨（13日）在社交平台Threads發片發文指，晚上約9時08分，由灣仔去尖沙咀的天星小輪上，有大媽竟偷偷利用小輪上的插蘇，為手提電話叉電，並旁若無人地邊叉電邊講電話。影片看到有乘客經過，但未有人阻止大媽。
小輪上的插蘇設在船天花板頂部，比人還高半個身位，伸手亦未必可觸碰到，大媽如何可以將插到插蘇？樓主表示：「埋岸前個大媽叫個男人幫佢將個插蘇插上上面。」本月初，有大媽在銅鑼灣時代廣場，偷偷用商場插蘇即場煮食，而且煮了半小時，樓主表示：昨日一幕「有Times Square煲粥feel」。
雖然情況離譜，但樓主未有即時阻止或舉報：「我淆底冇出聲啦，同船都冇人出聲。」樓主最後在落船時亦有向小輪上水手：「最尾落船我同咗個水手講，個大媽等人落晒船咁滯仲差緊電，最尾好似個水手有stop佢。」
網民斥肉酸：無法無天
帖文引發熱烈迴響，不少網民批評大媽偷電的行為「好肉酸」、「無法無天」，「偷電，拉得」，「無恥既冠軍」，「任何地方都可以當係自己屋企」，「無恥便是無敵」。
有網民奇怪大媽怎「可以帶插蘇出街但唔帶尿袋，其實究竟咩玩法？專登玩膠定係真心膠」。有網民則表示試過有大媽「直接入我舖門口掣位叉電」，最後被他趕走，有人則見過有大媽在手提電話舖，「拎起一個陳列品尿袋用嚟叉自己部電話」。
來源：_ctlreagan_＠Threads
同場加映：大媽銅鑼灣時代廣場偷電煲粥 商場保安勸阻拒停 仲大大聲「咁講」 結局是…↓↓↓↓
