有網民到內地惠州睇樓三次，驚訝於「惠州算唔算香港人既躺平聖地」，他力陳惠州有4大優點，認為「如果份工要返大陸做嘢，或者根本自由職業，真係可以去惠州半退休生活」。
該網民在連登討論區以「惠州算唔算香港人既躺平聖地？」為題發帖，引發網民熱議，有網民亦分享有親朋已搬到惠州退休生活，但不少人指各人情況不同難一概而論，並提出各種質疑，詳情如下：
內地一城市成港人躺平聖地？4大優點獲激讚：可過半退休生活 網民：非真躺平僅試錯成本低↓↓↓↓
樓主在帖文中提出多個惠州對港人的優點，綜合為四方面，包括交通方面，來往香港的交通費便宜：「過完關坐高鐵去到惠陽都係35分鐘內，單程$2X人仔」，不過，樓主指出「揸車或叫車要45-50分鐘，單程$110（人民幣）。樓主又指，惠州膳食方面費用便宜，而且選擇多：「人仔食中午飯$1X-$2X，大把選擇，仲要唔難食，無限任加飯加湯。」樓主認為，惠州位置「又近深圳，香港人而家咁興返深圳玩，啱晒，惠州直頭有深圳地鐵站」。此外，當地樓價便宜，「啲樓都唔差，2000尺，月供都係$5000，首期好多都2-3萬。」
他表示，「如果份工要返大陸做嘢，或者根本自由職業，真係可以去惠州半退休生活」，就算在港打工一族，亦可考慮在惠州買樓，在周六、日返惠州過休閒生活：「瘋狂叫外賣又平，養下寵物又得」。他總結說：「（惠州）地大人少、物價低、近香港，惠州真係有得諗。」
惠州有得諗？網民反應兩極掀爭辯：難一概而論
帖文引發熱烈迴響，有網民留言表示「之前返工有個同事係咁就係惠州買咗樓，放假前一日收工就上深圳，深圳擺埋架車直接揸上去」。有網民又表示，有親戚退休後搬到惠州生活：「我有個長輩親戚好多年前喺惠州買咗層樓，呢兩年退休後真係搬上去住，連狗都係香港帶過去，買埋架車周圍去。」
有網民亦認同樓主，指「惠州係貪佢平得嚟又近香港」，「廣州佛山依家貴到Ｘ街，車程高鐵去廣州南一個鐘……惠陽直接西九坐高鐵上深圳北轉乘都係個半鐘，樓又平，同價位你要去到中山嗰啲地方先有……惠州坐高鐵去深圳肯定快過你叫車行深中通道……當然買就要清楚自己需要……」
網民：月供5000點躺平
不過，不少網民指各人情況不同難一概而論，對樓主的論點提出各種質疑，指「非真能躺平」只是「試錯成本低」。在樓價方面，網民認為並不算特別便宜，有網民指出，樓主提出惠州買樓「月供都係$5000」，批評「月供5000點躺平」，「食嘢雜費養女加埋冇萬幾夠Ｘ洗？」「我都喺度諗緊點解月供$5000（叫躺平），咁要係香港打工住邊到？畀唔起劏房啦，真，太多風險。」
有網民認為買樓置業風險大，要欲試住，可以「租下算，輸極有限」，「惠州月租1、2千，住舊就搬，又可以轉下環境。」
有網民分享其朋友在惠州買樓的經驗：「得暑假多人，星期六日多D人，一至四勁小人……最初業主證搭專巴十蚊返羅湖，加加下變25（元），班次比以前小咗，出蓮塘約一個鐘多D，但巴士要去三期先一個鐘一架，雖然call車可以快15分鐘。」
網民指惠州講客家話多 擔心不適應
至於交通，有網民指出「點搞呀，直通巴士要3、4個鐘，不如買大灣區算啦」，「香港西九龍去惠州北車程一個鐘……如果香港份工，一個星期有2日WFH，其實好完美，得1日WFH，就自己諗啦。」「你都要預時間早到又要買飛架，當高鐵係地鐵咩，又唔一定有位……你咁搞得黎，落高鐵又要駁車都要時間架……」
另外，有網民又認為「惠州主要客家人，講客家話，香港人去返中山嗰邊好啲」。
來源：連登討論區
同場加映：旅遊達人項明生墮投資陷阱失160萬 55歲初老分享唯一成功投資法↓↓↓↓
