黃秉華
美國是一個不可征服的國家，因為在美國的小朋友細細個就學燒槍，可以百步穿楊，加上美國擁槍合法，全民都摸過槍的，若然有人想攻打美國，基本上無可能。殊不知，刷到去年在長春航空展的紀錄片，我立刻改變看法。
展場有一個單位，犀利啦，這就是空軍工程大學。甚麼來頭？唔係嚇你——空軍工程大學是內地最有名的無人機人才培養院校。特別之處是格外注重青少年的培養，所以見到好多「小學雞」結隊參觀空軍大學攤位，對無人機愛不釋手不在話下，個個小朋友玩無人機當玩手機，有位大姐姐講解學院開發的最新打擊無人機，即場示範，示範之後，小朋友可以試玩！
有乜出奇，大驚小怪。大佬，唔係打機咁簡單，大姐姐示範的無人機是在長春展場內，遙控飛來飛去，又可以投彈的無人機是遠在西安！長春與西安分隔逾二千公里，大姐姐話︰「全部實時操控，過程絕對順暢。」這位空軍工程大學的大姐姐，青春可人又好笑容，睇落二十出頭，帶領在場的「小學雞」目測7、8歲，唔知真係以為打機娛樂，實情佢哋玩的與伊朗當地嘅無敵無人機無兩樣，仲有可能係更先進的。
美國有幾叻，叻我至叻！長春展中的「小學雞」部分是參賽者，識得砌、識得設計無人機，不少已是行內高手，可以進而成為孵化計劃的培育人才。
依家唔係識燒槍好巴閉，恕我直白，你Out咗啦。
香港教育與科技界，請與時並進。