現年39歲的香港男子劍擊運動員張小倫，今年4月宣布退役，他近日為HOY TV擔任2024巴黎奧運劍擊比賽做直播評述，網民對部份運動員做評述的表現反應兩極，張小倫不忍批評於THREADS發聲，怒轟網民：「積下啲口福。」
相關閱讀：巴黎奧運丨黃鎮廷杜凱琹混雙8強戰另一亮點！總教練李靜肉緊表情逐格睇 說話精警俘虜網民心
巴黎奧運丨前港隊劍擊手張小倫怒轟網民？
張小倫4月時宣布退役，結束長達20年的全職運動員生涯。近年他與古巨基老婆Lorraine（陳英雪）的網台簽約成為旗下藝人，由運動員轉型成為主持，參與不少網上節目拍攝。最近張小倫以前香港男子劍擊運動員身份，為HOY TV擔任2024巴黎奧運劍擊比賽的直播評述。張小倫眼見有些港隊運動員出戰奧運因為沒有獎牌而被網民諷刺，張小倫非常不滿，於THREADS激動表示：「做香港運動員就係咁，一有成績就係到呱呱嘈，冇成績就係到（喺度）X，咁細個地方岀到奧運冠軍級別運動員，你估容易丫！要犧牲幾多代人嘅努力同付出，犧牲幾多位運動付出嘅年輕人，你又識得幾多個？？？」
相關閱讀：巴黎奧運丨鄭裕玲契女與江旻憓係同學！晒舊照展最萌身高差 爆求學時一舉動成就金牌佳績
張小倫斥批評者不尊重運動員
另外亦可能因為自己與其他前運動員的表現都引來部份網民批評，張小倫亦指：「唔該大家評論運動員去唔同電影（視）台做旁述嘅時候，積下啲口福，個個捱更抵夜去講的專業運動知識俾你哋聽，雖然我哋唔係專業，但係我哋係流主（住）運動員嘅血，係一世架，希望分享多啲運動員嘅經歷，有得去參與奧運嘅運動員我哋當然要幫佢哋打氣，冇得去嘅一樣係（喺）唔同崗位默默努力，不論輸贏係咪都要尊重吓啲運動員，佢哋用人生最青春嘅時光用努力意志去克服唔同嘅比賽同傷患，希望可以有一日踏上頒獎台，證明自己。其實冇得去參加奧運嘅運動員都好大勇氣行岀來去做運動旁述，仲要比（畀）大家批評，我性格就係咁有個（嗰）句講個（嗰）句，唔鐘意我哋嘅好似睇電視一樣撳個掣轉台或者熄機。講完今晚繼續OT dxxm。」
相關閱讀：巴黎奧運丨江旻憓穿已停產劍擊鞋出賽奪金？波鞋發燒友揭秘：搜購逾50對存貨穿着至今
巴黎奧運丨HOYTV奧運節目連環「出事」？
張小倫的言論得到極大迴響，他於HOYTV直播開廠前接受訪問回應事件。張小倫表示今次發表言論， 是想為香港所有運動員發聲：「其實我覺得所有運動嘅運動員都有付出好大嘅努力，無論係可以參加比賽，又或者喺各大電視或者公開場合做評述嘅師弟妹門，都好畀心機做好份內事，但係我作為大師兄，見到佢哋不斷喺網上被受評擊，實在睇唔過眼，希望為佢哋發聲! 面對網民嘅評擊，我有強大嘅心臟，但對於平時只做好運動員訓練本份，師弟妹們佢哋，真係承受唔到呢啲外界嘅惡意評論，所以希望為佢哋表達心聲！」
問到張小倫有否曾因網上言論而不開心， 他表示沒有任何難受的感覺：「除咗因為我有強大嘅心臟之外，我覺得有人評論劍擊完全係一件好事！有人評論即係人關注，先至可以將呢一樣運動話畀香港七百萬人知， 有呢項運動嘅存在！所以我完全唔介意有人評論我或者我嘅表現！」
張小倫領軍香港擊劍隊多年
張小倫多年來都是香港擊劍隊多年來的領軍人物，因此被稱為「大師兄」，曾奪2010年廣州亞運銀牌等獎項，創下佳績。張小倫多年來亦積極培訓後輩，其中包括2021年曾奪奧運金牌的張家朗。不過隨着香港男子花劍隊爭奪巴黎奧運團體賽入場券失敗，加上身上有不少傷患，張小倫終在今年4月宣布退役。張小倫退役後成為模特兒，間中亦主持清談節目，之前在節目《大師兄friend嚟啦》中更請來好友香港男子花劍代表蔡俊彥及MIRROR成員Edan（呂爵安）做嘉賓。
相關閱讀：巴黎奧運丨TVB機警主持何振然訪問江旻憓收一指令險甩轆 見證歷史哽咽忍情緒好專業
巴黎奧運丨TVB主持何振然險甩轆？
張小倫曾是黎諾懿替身
張小倫早前曾在IG分享與黎諾懿的合照，自爆原來20年前他曾在TVB偶像劇《當四葉草碰上劍尖時》，做男主角黎諾懿的替身。二人在活動上巧遇，各自都仍然記得當年合作的往事，更指希望將來有機會合作，張小倫直言不抗拒幕前演出。
其他文章：
巴黎奧運丨江旻憓憂「無眉娘」樣被全球目睹爆笑片瘋傳！HOYTV主持一舉動被批 TVB何振然獲讚
巴黎奧運丨HOYTV直播開幕禮小編言論惹爭議！疑暗諷表演者身材 網民：識唔識尊重
