新上任水務署署長亮相接受訪問，好過癮！首先，佢外形完全唔似「署長」又或傳統高官，頭髮長長，時款藍框眼鏡。
更好玩，佢善於帶記者遊花園，彈出 虛幻名詞，講到加價，話要「人性化」（究竟有人性同冇人性點界定呢？），加幅會「溫和」、「循序漸進」，但又冇一個數字，搞到記者墮入五里雲霧中，不知如何咬住跟進加唔加？幾時加？加幾多？
其實水費成三十年冇加，簡直難以想像，況且根據黃署長數字，水費平均只佔住戶開支0.1%至0.2%，若唔加，就難以維持優質且穩定的供水。
仲有，如今年年蝕錢，供水又唔係社會福利，收返成本天公地道，為乜要講到窒 窒 咁，毫無果斷性（Decisiveness）？
小弟傳媒生涯中，訪問無數人，大部分提問完都想笑出來，因十次有九次問完後，我已知對方點答，簡直全是Model Answer。
例如你問公務員工會，若加薪不跟足薪酬調查，會點？一定回應：「影響公務員士氣。」總之唔理當時社會經濟情況如何、民情如何，一講加薪未到滿意水平，就必定——影響士氣（士氣點量度？）！
又例如公共事業加價，總有議員「逢加必反」，你想搵乜答案，追住佢 就掂，好快可以收工。今次雖然水費三十年冇加， ，你走去訪問 利益團體代表，一樣會話：「經濟唔好，成本樣樣升，好難捱 最好斗零都唔加。」
仲有更好笑，一講到加稅，經濟好時，「為民請命」政客就會話：「經濟已經咁好，政府大把地方增加收入，為乜要加？」
好 ，到經濟差時，佢 又會調轉話：「經濟咁差，市民已經好苦，為乜火上加油？」
我冇話佢 唔 ，只不過次次訪問時，都想「咭」聲笑出 。
