本欄讀者，有幾多知道美沙酮係乜呢？相信聽過下會有，真正認識的不多。
好！今日讓小弟替大家上一課！
美沙酮來自拉丁語Methadone，是一種鴉片藥物，通用於緩解疼痛及維持治療，常用於協助戒毒人士擺脫鴉片依賴。
香港政府推出美沙酮計劃已經多年，主要為吸毒者提供一種方便、合法、醫學證明安全和有效的藥物，以代替非法使用藥品。
有了美沙酮，吸毒者毋須因購買毒品而犯法，又或因共用針筒而受感染。再者，可以正常工作，最終目標，是完全毋須依賴毒品。
俗 講，美沙酮可以「頂住癮」。
今日提起美沙酮，因大癮馬迷們一到歇暑，就會每個星期有兩日「不知所措」。馬季進行正常日子，每周兩次跑馬，個個上晒癮。冇得跑，當然周身唔自在，也有點若有所失 。
以前冇方法解決，一度幾乎畀澳門馬因此而異軍突起（馬會及政府絕不想見到）。幸而近年開始，馬會成功於暑期引入「美沙酮計劃」，一方面繼續封殺「澳門馬」（在港不准投注），另方面，安排多次海外賽事越洋直播，以令馬迷身心精神有所依賴，令大家可以順利「頂」到下一個馬季開鑼！
今年的「美沙酮計劃」，緊貼香港馬季歇暑而開始，由7月23日至8月25日，大家可以「服用」總共十二劑，「產地」包括新加坡、英國、南非、法國及德國，應可滿足上癮馬迷！
之後好快，9月再開鑼，大家又有「正常藥物」服用 。
明天臨尾一戰，最精采戲碼為「香港馬主協會錦標」，一班馬跑千六米，「蔡氏宗親會」出五隻，任佢開咁款，「自勝者強」 晒飛！我則買「線路之星」，告仔刻意換布文，應有布局！
