現年30歲的何雁詩2020年下嫁鄭俊弘，去年6月誕下兒子鄭讚廷（Asher），升呢人母後經常於社交網晒萌B，一家三口生活幸福美滿。自幼家境富裕的何雁詩，父親經營物流生意，在中港和海外擁多間分公司，有傳身家超過6億，昨日（23日）她忽然於IG自爆10個月囝囝成為「千萬富翁」！
【點擊睇何雁詩萌B】：
何雁詩與鄭俊弘經過第三者風波後終於擁有幸福家庭。
何雁詩去年年中誕下兒子Asher。
何雁詩抱著BB時似抱公仔。
何雁詩升級做媽媽後依然好fit。
何雁詩近月經常分享囝囝靚相。
何雁詩現時有仔萬事足。
何雁詩一家。
何雁詩囝囝長大不少。
何雁詩早前遠赴美國登台。
同場仲有鄭敬基（左）。
何雁詩晒香肩及長腿，好性感。
何雁詩轉眼飛抵泰國旅行，仲去了水族館摸海星。
何雁詩自言首次在2星米芝蓮餐廳歎佳餚。
何雁詩大讚Amazing。
何雁詩見到老公及囝囝笑得咁開心，即刻心都融埋。
Asher眼仔睩睩、面圓圓，愈大愈似鄭俊弘！
何雁詩所指Asher個「孖生兄弟」就係佢－某豉油品牌的嘜頭。
Asher與「孖生兄弟」豉油品牌嘜頭合照，其實仲好似迪士尼動畫《超人特工隊》中的BB積仔（JackJack）。
迪士尼動畫《超人特工隊》中的BB積仔（JackJack）。
何雁詩早前才遠赴美國登台，轉眼便已飛抵泰國旅行，從IG相中所見，一家三口去了水族館摸海星，更首歎2星米芝蓮餐廳佳餚，有得食龍蝦、黑松露等上等食材，不只她大讚Amazing，連老公及囝囝都好享受，兩父子仲笑得好開心，何雁詩寫道：「Love u both so much, I just melted.（非常愛你們，我心融化了。）」
其中，何雁詩又貼出一段囝囝的影片，她寫道︰「My son has a twin I didn’t know about?! 🇹🇭 And he’s a multimillionaire and entrepreneur?? （我居然唔知個仔有個孖生兄弟？！仲要佢係一個千萬富翁同企業家？？）」原來何雁詩所指的孖生兄弟，正是當地某豉油品牌的嘜頭，她更貼出囝囝與嘜頭的合照，有網民大讚二人激似，亦有人覺得Asher較可愛，不過暴風式成長的他眼仔睩睩、面圓圓，愈大愈似爸爸鄭俊弘般靚仔！
