黃子華、鄧麗欣(Stephy)等群星主演港產片《飯戲攻心》勁收7000萬票房，台前幕後舉行慶功宴，子華神、Stephy、王菀之、張繼聰、林明禎、陳湛文《飯戲》一家又再齊人開飯，阿聰更帶同老婆謝安琪出席，好熱鬧！Stephy在社交網分享齊人自拍合照，明明瘦面都要出動扮可愛遮面大法，以雙手托面少女甫士以防瘦面變大包面，她笑言：「 自拍最緊要手夠長，自己渣機都唔驚包包面，反而人地渣機塊面會大左唔知點解，豬豬(王菀之)你可唔可以解釋下？好彩我識得扮可愛遮面大法逃過一劫」。
王菀之亦在社交網晒由她揸機影的自拍照，自嘲心機女同Stephy講「你咁靚，頂到close up嘅」，又笑言：「留意返，揸機嘅係塊面『細啲』嗰位，反正戲入面豬豬同Monica個size嘅差別有目共睹，而最大嘅意義係，究竟我哋心裏面係幾咁冇機心先可以咁玩呢？」
【點撃睇《飯戲攻心》慶功宴】：
