香港有萬計人希望加入馬會成為會員，之前首先要有份入會表格，然後更須懂得填。因馬會非常重視會員積極推動賽馬事業，當中必做的是參與投注及有意欲養馬。
推廣投注（谷大數字，庫房及慈善事業兩得益），乃每位遴選委員及董事的重責。尤其董事，個個自己養馬外，更要每次賽事日宴請各路好友入場，介紹馬會角色、貢獻及投注方法。
當中陳南祿主席最為 身，次次宴請，皆用幽默語調，深入淺出帶你「入局」認識一切。
早幾年小弟畀佢點醒：「碌Sir，買二重彩複式，遠遠好過買正Q！同是選五隻互串，一百蚊投注，中的話，只要較冷的兩隻入一二，又或較冷的一隻行頭，賠率肯定好過買Q！」從此跟足，掂過碌蔗！
早前佢又教我：「四重彩最合刀仔鋸大樹。唔使多，只要你有一隻複式穩膽，再選五隻腳，一隻膽拖五腳，共二百四十注。買一蚊雞，即二百四十元，分分鐘鋸棵樹返 ！」
呢種買法，出十四隻的場次，極難中。但若是八隻或以下，就博得過，因只要有一隻膽，再飛起兩隻冇飛的，已大機會中！
周三晚泥地，第二場出八隻，我肯定「黃金甲」掂，泥績極佳，一於用佢做膽，飛起最冷兩隻，即「有理共賞」及「紅運大師」。一膽拖五腳，買一蚊雞注。
中正！十蚊派一萬五千一百二十四元。一蚊雞派一千五百一十二元四角，騎騎騎，開心死，贏千幾元。
呢種投注方式，最好用在高班而出馬少的賽事，因幾乎次次爆，容易執！
明日第二場第二班出七隻跑一千米，我鎖定作深入研究，睇睇有冇大茶飯，分析如下：
七隻之中，兩隻機會最高，分別為「跳出世界」及「精靈勇士」，前者十出跑馬地一千米二W六入位，極準，上次跑第五竟加四分！評磅員畀晒貼士啦，一於用佢作膽，拖「艮志騰雲」、「精靈勇士」、「年年旺」及「好眼光」，買返條四重彩啦！
