中環人一臉哀愁，法國巴黎暴亂延至全歐洲，股市又唔知跌成點。「唔買股票猶閒何，我幾十歲，搵到錢要有地方休閒，巴黎是我的夢都，唉，見到新聞都心噏。」明解，大師有冇留意宇樹科技呢？「你唔好同我講股啦，拜託！」心情唔好都要睇新聞嘛，尤其是中國科技新聞。「願聞其詳。」
宇樹科技在X帳號與YouTube同步釋出最新H2-X人形機械人短片，標題直接打出「功夫傳奇守護者」，影片全長約一分鐘，厲害了中國機械人，真係好似宇宙最強咁一個打十幾個，短片畫面充滿功夫片電影感。「從廢車場飛踢到抬車救援、居家保鏢任務，完全是戰鬥用途導向。」
歐洲當前有幾亂，其實無有怕啦，中國製造的機械人好比「再世黃飛鴻」，不久將來可以擔任私人保鑣，如果警察局有「筆直」添置十隊八隊智能防暴機械人，咁，大事好辦囉，不單止可以防暴，救人救災救火，包冇甩拖，仲可以守住香榭麗舍大道方圓兩公里的奢華購物圈。「零元購」No way！
不過，講開又講，北京近期收緊AI及戰略機械的出口，歐洲更加有位馮德萊恩主席，打開口牌要限制中國進口，如是者，一來一回，法國財團想買中國功夫機械人，似乎有啲難度。
「講句不中聽，你老人家可轉移方向，唔去巴黎，去東方巴黎得唔得呢？上海灘有的是西式文化建築，同樣有齊全歐洲品牌名店，最緊要內地安全吖嘛。」
大家唔好再講，飲杯茶食個包先……