黃秉華
今天我彷彿回到懵懂的童年，上歷史課時問了老師一個愚蠢問題︰「甚麼是掃地僧，係唔係掃街茂個師傅？」
當然不是，老師是金庸迷，也是TVB的慣性觀眾，很有耐心教我分辨TVB監製李添勝飾演那個城市喜劇的角色，與少林掃地僧沒有關係，還吩咐我暑假時閱讀《天龍八部》，這是不可錯過的歷史武俠名著。哦，知道了。
「中國掃地機械人靠技術佔據全球70%市場」，日媒報道，中國製造再不打價格戰，北京「石頭科技」（Roborock）憑創新功能，力爭短期之內，量產世界首款能上樓梯的掃地機械人，目前正在進行開發。
「老友，你又喺度吼中國科技股，AI嗰浸你賺唔少喇。」講呢啲，你睇我好，我睇你好啫，不過，今次連機械人原祖日本都讚中國「一級棒」，大家就無話可說。「你講日本發明了原子小金剛阿童木呀？」師兄，講你都未必信，「石頭科技的新款機械人，可以靈巧地操縱，能夠伸縮前端的輪子，一邊吸著垃圾，一邊越過比自己還高的台階」，這款命名為「Saros Rover」的東西，就是AI時代的少林掃地僧，叻在曉上樓梯的創新創紀錄功能。
「呢台機可以輕易擊敗鳩摩智乎？」差唔多啦，如果AI機械人有江湖，咁，你可以想像掃地僧一出，平息天下紛爭，皆因有「身前障礙」、「潛運神功」，仲有絕招「一掌假死」。
「你真係有聽當年老師教晦，讀過《天龍八部》，你咁叻，依家有咩冧把介紹？」……我聽罷O嘴了！