想當日幾個朋友到西貢，不單只食海鮮，還去睇高手在那海闊天空下，操控無人機，那些年，是「大朋友」的玩意，想不到日前去西貢，大家都說這個︰「中國掌握無人機霸權，已贏得第三次世界大戰」。咁驚？有幾驚，「打了一場俄烏戰爭，雙方學會了無人機新型作戰模式，再來今年海灣大戰，全世界都知道，湯告魯斯的空軍英雄已進入歷史。」不過，湯哥「登陸」仍可繼續服役，但最緊要識得操控無人機噃。
西貢海鮮依然非常鮮味，不過，未夠中國能打贏三戰咁「新鮮」，吓哇。伊朗迎戰美以聯軍，開戰一個月，出動逾四千次無人機攻擊。「大家明白，點解中國Sure Win？」你唔明唔使問黎明，事關無人機有去無回，最好係用玩具級數的款式當武器，成本一萬幾千（港元）一架，全世界最貴係美國專業軍用無人機MQ-4C「海神號」，你估幾錢？2億美元，折合接近16億港元。
「哈，今日食海鮮唔覺好貴，點解呢？」我搶住答︰「你聽完美國無人機，對銀紙已經無咗感覺啦。」唔係吹水，以平均2萬元一呎計，16億元可購入太古城千呎大單位八十個！
「唔夠喉，不如再Order兩隻澳洲龍蝦，好唔好？」下次先，下次先。CNN訪問專家︰「海灣戰爭沒有真正贏家，全球都要付出沉重代價。」補充一句︰「由於美以伊未達成明確戰略成果，隨時擴大成為一場牽動全球的複合危機。」
咁，大家不如飲多杯啤酒啦，今日有酒今日醉。