(黃秉華)
中美AI競爭終於引起西方專家的定論︰中國晶片不是「晶深博大」，但是「勝在實用」，美國晶片「貴夾無譜」，搞到自己「走投無路」。有這樣的解釋嗎？你不信，我反正相信了。
權威機構ICIS早前稱，美國數據中心高度依賴矽谷生產的高端晶片，但此路不通，事緣美國本土供電系統不足，如是者，晶片識飛天都冇用。相比之下，中國快速擴張電網，形成一項意想不到的科技優勢。預計中國2030年將擁有大約400吉瓦的電力富餘。這意味著，「即使晶片效率不如美國，中國依然有能力大規模鋪開數據中心」。
老實講，你唔講大家唔覺的是，美國科技乜都爭第一，好事咩？打一場伊朗戰爭大家都清楚明白，科技尖端不等同天下無敵，幾千萬美元一枚導彈，竟然受伊朗製的「土產」無人機克制，令人相信真正「平嘢無好」嘅定律係由伊朗打破，而非香港。
矽谷諗頭大、眼界高，點知美國基建落後，電網設施追不上科技發展。以前，中美關係良好，好多東西可以落地中國，一家便宜兩家著，數據中心搬到內地又如何，無壞啫，殊不知，美國好景之年，慌死中國黐佢金糠。依家好啦，自己玩死自己。
不過，ICIS始終「樂觀地」認為，如果解決了電網問題，美國AI領先地位可穩。OK，無問題，但問題係美國電網是四十年前的「先進產物」，現在投資升級要Money，問邊個「科水」？唔通特朗普又要加關稅，吓哇？